20:12, 08 - شىلدە 2025 | GMT +5
پرەزيدەنت ۇ ق ك سىبايلاس جەمقورلىققا قارسى ءىس-قيمىل قىزمەتىنىڭ ديرەكتورىن تاعايىندادى
استانا. KAZINFORM - نۇرجان قۇسايىنوۆ ق ر ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتىنىڭ ديرەكتورى لاۋازىمىنا تاعايىندالدى. بۇل تۋرالى اقوردانىڭ باسپا ءسوز قىزمەتى حابارلادى.
- مەملەكەت باسشىسىنىڭ وكىمىمەن نۇرجان مارات ۇلى قۇسايىنوۆ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتىنىڭ ديرەكتورى لاۋازىمىنا تاعايىندالدى، - دەلىنگەن حابارلامادا.
ەسكە سالا كەتەيىك، بۇعان دەيىن قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە قوسۋ ارقىلى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت) قايتا ۇيىمداستىرىلاتىنىن جازعان ەدىك. اقوردا وسى تۋرالى جارلىق ءماتىنىن جاريالادى.
