پرەزيدەنت پەن شاۆكات ميرزيەيەۆ الماتى تاۋ شاڭعىسى كلاستەرىمەن تانىستى
الماتى. KAZINFORM - قالا اكىمى ەربولات دوسايەۆ پرەزيدەنتتەرگە ىلە الاتاۋىنىڭ اسقارالى شىڭدارىن كورسەتىپ، كىشى الماتى شاتقالىنداعى «مەدەۋ» سەلدەن قورعاۋ بوگەتىن سالۋ تاريحى جونىندە ايتتى. بۇل تۋرالى اقوردا ءمالىم ەتتى.
سونىمەن قاتار شەتەلدىك جانە جەرگىلىكتى الپينيستەر مەن تۋريستەر اراسىندا تانىمال باعىتتار تانىستىرىلدى. قاسىم-جومارت توقايەۆ پەن شاۆكات ميرزيەيەۆ قالا اكىمىنىڭ ەلىمىزدەگى ەڭ ءىرى «شىمبۇلاق» تاۋ شاڭعىسى كۋرورتى جونىندەگى ەسەبىن تىڭدادى.
قازىرگى كەزدە مۇندا 5 اسپالى جول جۇمىس ىستەپ تۇر. ال شاڭعى تەبۋگە ارنالعان تراسسانىڭ جالپى ۇزىندىعى 25 شاقىرىمدى قۇرايدى. بىلتىر شىمبۇلاققا 1,4 ميلليون ادام كەلگەن. مەملەكەتتەر باسشىلارى الماتىنىڭ تۋريستىك الەۋەتىنە جوعارى باعا بەردى. ولاردىڭ پىكىرىنشە، اسەم تابيعات اياسىندا ورنالاسقان جانە دامىعان ينفراقۇرىلىمى، ساپالى جولى بار تاۋ شاڭعىسى كۋرورتى - ورتالىق ازياداعى قىسقى جانە جازعى دەمالىسقا لايىق ەڭ تارتىمدى ورىنداردىڭ ءبىرى.
پرەزيدەنتتەرگە الماتى تاۋ كلاستەرىن ودان ءارى دامىتۋ پەرسپەكتيۆاسى تۋرالى مالىمەت بەرىلدى. اتاپ ايتقاندا، «شىمبۇلاقتىڭ» قازىرگى تاۋ شاڭعىسى تراسساسىن 56 شاقىرىمعا دەيىن ۇزارتۋ جانە جاڭادان 65 شاقىرىم ينفراقۇرىلىم سالۋ جوسپارلانىپ وتىر.
بۇل الماتى ماڭايىندا تۋريستىك الەۋەتىمىزدى بارىنشا تانىتاتىن الەمدىك دەڭگەيدەگى ءبىرتۇتاس ءىرى كلاستەر قۇرۋعا مۇمكىندىك بەرەدى.
بۇعان دەيىن حابارلانعانداي، وزبەكستان پرەزيدەنتى شاۆكات ميرزيەيەۆ قازاقستانعا جۇمىس ساپارىمەن كەلدى.
