پرەزيدەنت مەملەكەتتىك ورگانداردىڭ فۋنكسياسىن وڭتايلاندىرۋ تۋرالى زاڭعا وزگەرىس ەنگىزدى
استانا. KAZINFORM - مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە استانانى جانە رەسپۋبليكالىق ماڭىزى بار قالالاردى، ۇلتتىق جوبالاردى دامىتۋ، كاسىپكەرلىك جانە مەملەكەتتىك ورگانداردىڭ فۋنكسيالارىن وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
بۇل تۋرالى اقوردانىڭ باسپا ءسوز قىزمەتى حابارلادى.
تۇزەتۋلەردىڭ ءبىرىنشى بلوگى ەلوردا مەن رەسپۋبليكالىق ماڭىزى بار قالالاردى دامىتۋعا باعىتتالدى.
تۇزەتۋلەردىڭ ەكىنشى بلوگى جەر زاڭناماسىنىڭ جەكەلەگەن ماسەلەلەرىن رەتتەۋدى كوزدەيدى. تۇزەتۋلەردىڭ ءۇشىنشى بلوگى شەتەلدىكتەردى تىركەۋ ينستيتۋتىن ەنگىزۋ ءۇشىن قابىلداندى.
تۇزەتۋلەردىڭ ءتورتىنشى بلوگى كەدەن ماسەلەلەرىن رەتتەۋگە باعىتتالعان.
تۇزەتۋلەردىڭ بەسىنشى بلوگى وكىلەتتىكتەردى ورتالىقسىزداندىرۋ، سونداي-اق نورمالاردى ارتىق زاڭنامالىق رەگلامەنتتەۋدى بولدىرماۋ ءۇشىن ەنگىزىلىپ وتىر.
تۇزەتۋلەردىڭ التىنشى بلوگى جىلۋ، ەنەرگيا جانە سۋدىڭ ۇزدىكسىز بەرىلۋىن قامتاماسىز ەتۋ ءۇشىن كەزەك كۇتتىرمەيتىن ينفراقۇرىلىمدىق پروبلەمالاردى شەشۋ ماقساتىندا ەنەرگەتيكالىق جانە كوممۋنالدىق سەكتورلاردى جاڭعىرتۋ جونىندەگى ۇلتتىق جوبانى ىسكە اسىرۋمەن بايلانىستى.
تۇزەتۋلەردىڭ جەتىنشى بلوگى مەملەكەتتىك اۋديت پروتسەسىن جەتىلدىرۋ ءۇشىن ەنگىزىلدى.
تۇزەتۋلەردىڭ سەگىزىنشى بلوگى باعالاۋ قىزمەتى تۋرالى زاڭنامانى جەتىلدىرۋگە باعىتتالعان.
زاڭنىڭ ءماتىنى باسپا سوزدە جاريالانادى.
بۇعان دەيىن پرەزيدەنت اسكەري-پاتريوتتىق تاربيە باعىتىنداعى جۇمىستى كۇشەيتۋدى كوزدەيتىن زاڭعا قول قويعان ەدى.
