11:24, 13 - اقپان 2024 | GMT +5
پرەزيدەنت مەملەكەت جانە قوعام قايراتكەرى انار جايىلعانوۆانىڭ وتباسىنا كوڭىل ايتتى
استانا. KAZINFORM - پرەزيدەنت قاسىم-جومارت توقايەۆ مەملەكەت جانە قوعام قايراتكەرى انار نۇرالى قىزى جايىلعانوۆانىڭ دۇنيەدەن وتۋىنە بايلانىستى وتباسى مەن جاقىن تۋىستارىنا كوڭىل ايتۋ جەدەلحاتىن جولدادى.
- انار نۇرالى قىزى ەسەلى ەڭبەك ەتىپ، ەلىمىزدىڭ وركەندەۋىنە بار كۇش-جىگەرىن جۇمسادى. كوپتەگەن يگى ىسكە اتسالىسىپ، ءوزىن بىلىكتى مامان رەتىندە كورسەتە ءبىلدى. ناعىز مەملەكەتتىك قىزمەتشىگە ءتان قالپىمەن ابىرويلى قىزمەت اتقارعان انار نۇرالى قىزىنىڭ ەسىمى مەن بەينەسى ۇمىتىلمايدى. مارقۇمنىڭ يمانى سالامات، جانى ءجانناتتا بولسىن، - دەپ جازىلعان جەدەلحاتتا.
ەسكە سالا كەتەيىك، بۇعان دەيىن مەملەكەتتىك قىزمەت ىستەرى اگەنتتىگىنىڭ بۇرىنعى ءتوراعاسى انار جايىلعانوۆانىڭ ومىردەن وتكەنىن حابارلاعان ەدىك.
اۆتور
جانات قاپالبايەۆا
