پرەزيدەنت مۇحاممەد دجالۋد ءال-شامماري مەن مۇحاممەد يۋسۋف ءال-مانانى قابىلدادى

استانا. KAZINFORM - مەملەكەت باسشىسى حالىقارالىق اۋىر اتلەتيكا فەدەراتسياسىنىڭ پرەزيدەنتى مۇحاممەد دجالۋد ءال-شامماري مەن ازيا اۋىر اتلەتيكا فەدەراتسياسىنىڭ پرەزيدەنتى مۇحاممەد يۋسۋف ءال-مانانى قابىلدادى.

Тоқаев
Фото: Ақорда

قاسىم-جومارت توقايەۆ مەيماندارعا ءىلتيپات ءبىلدىرىپ، ىنتىماقتاستىقتى نىعايتۋعا جانە قازاقستاندا اۋىر اتلەتيكانى دامىتۋعا ۇلەس قوسقانى ءۇشىن فەدەراتسيالاردىڭ باسشىلارىنا ريزاشىلىعىن جەتكىزدى.

پرەزيدەنت ەلىمىزدە سپورتتىڭ وسى ءتۇرى ەرەكشە ماڭىزعا يە ەكەنىن اتاپ ءوتتى. بۇگىندە 20 مىڭنان استام وتانداسىمىز اۋىر اتلەتيكامەن جۇيەلى تۇردە اينالىسادى.

سونىمەن قاتار مەملەكەت باسشىسى قازاقستاندا اتالعان سپورت ءتۇرىن ىلگەرىلەتۋ ءۇشىن فەدەراتسيالارمەن ناتيجەلى ءارى تىعىز قارىم-قاتىناستى جانداندىرۋعا نازار اۋداردى.

ءوز كەزەگىندە مۇحاممەد يۋسۋف ءال-مانا قوناقجايلىق تانىتقانى ءۇشىن قاسىم-جومارت توقايەۆقا العىس ايتىپ، قازاقستاندا اۋىر اتلەتيكا مەكتەبى قالىپتاسقانىن مالىمدەدى. سونداي-اق استانا، الماتى قالالارىندا اۋىر اتلەتيكادان ورتالىق ازيا ەلدەرى ءۇشىن وڭىرلىك حاب قۇرۋعا قاجەتتى جاعداي جاسالعانىنا توقتالدى.

ال مۇحاممەد دجالۋد ءال-شامماري ەلىمىزدىڭ اۋىر اتلەتتەرى باحرەيندە وتكەن الەم چەمپيوناتىندا تابىستى ونەر كورسەتكەنىن اتاپ ءوتىپ، لوس-اندجەلەس وليمپياداسىنىڭ ليتسەنزيالىق تۋرنيرىن وتكىزۋگە قازاقستاننىڭ مۇمكىندىگى مول ەكەنىن جەتكىزدى.

كەزدەسۋ سوڭىندا پرەزيدەنت اۋىر اتلەتيكانى ىلگەرىلەتۋگە ۇلەس قوسقانى ءۇشىن مۇحاممەد دجالۋد ءال-شامماري مەن مۇحاممەد يۋسۋف ءال-مانانى Ⅱ دارەجەلى «دوستىق» وردەنىمەن ماراپاتتادى.

ەسكە سالا كەتەيىك، بۇعان دەيىن مەملەكەت باسشىسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسىن قابىلداعانىن حابارلاعان ەدىك.

سوڭعى جاڭالىقتار