پرەزيدەنت مادەنيەت جانە اقپارات ءمينيسترى ايدا بالايەۆانى قابىلدادى

  استانا. KAZINFORM - مەملەكەت باسشىسى مادەنيەت جانە اقپارات ءمينيسترى ايدا بالايەۆانى قابىلدادى، دەپ حابارلايدى اقوردانىڭ باسپا ءسوز قىزمەتى.

ايدا بالايەۆا:

مادەنيەت جانە اقپارات مينيسترلىگىنىڭ اتقارعان جۇمىستارىنىڭ ناتيجەسى، سونداي- اق ۆەدومستۆونىڭ الداعى قىزمەتى بارىسىندا قولدانىلاتىن پەرسپەكتيۆتى تاسىلدەر جونىندە باياندادى؛

اقپارات، مادەنيەت، كرەاتيۆتى يندۋستريا، ازاماتتىق قوعام، ءدىن، ەتنوسارالىق قارىم- قاتىناس، جاستار جانە وتباسىلىق- دەموگرافيالىق ساياسات سالالارىندا قابىلدانىپ جاتقان شارالار تۋرالى مالىمەت بەردى؛

ۆەدومستۆونىڭ جەتەكشىلىك ەتەتىن سالالارىن دامىتۋعا قاتىستى جوسپارىن ايتتى.

كەزدەسۋ سوڭىندا مەملەكەت باسشىسى مينيسترلىككە مادەني- تاريحي نىسانداردىڭ ينفراقۇرىلىمىن دامىتۋ، شىعارماشىلىقتى قولداۋ، قازاقستاننىڭ مادەنيەتىن شەتەلدە دارىپتەۋ سەكىلدى ءبىرقاتار ناقتى مىندەت جۇكتەدى.

بۇدان بولەك، كرەاتيۆتى يندۋستريانى ينستيتۋتسيونالدىق تۇرعىدا قولداۋ جانە اتالعان سالانى جەدەل دامىتۋ جۇمىستارىن جانداندىرۋ تاپسىرىلدى.