پرەزيدەنت كۋۆەيت مەملەكەتىنىڭ ءامىرىن مەملەكەتتىڭ ۇلتتىق كۇنىمەن قۇتتىقتادى
استانا. KAZINFORM - قاسىم-جومارت توقايەۆ شەيح ميشاال ءال-احماد ءال-دجابەر اس-ساباحتى كۋۆەيت مەملەكەتىنىڭ ۇلتتىق كۇنىمەن قۇتتىقتادى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەت باسشىسى جەدەلحاتتا كۋۆەيتتى تاياۋ شىعىس پەن يسلام الەمىندەگى ساياسي جانە ەكونوميكالىق تۇرعىدان بەدەلدى ەل رەتىندە باعالايتىنىن جەتكىزدى. سونداي-اق مەملەكەتتەرىمىز اراسىنداعى ءداستۇرلى دوستىق پەن ءوزارا قولداۋعا نەگىزدەلگەن سان قىرلى سالاداعى ىنتىماقتاستىق قوس حالىقتىڭ يگىلىگى ءۇشىن الداعى ۋاقىتتا دا قارقىندى دامي بەرەتىنىنە سەنىم ءبىلدىردى.
قاسىم-جومارت توقايەۆ شەيح ميشاال ءال-احماد ءال-دجابەر اس-ساباحتىڭ جاۋاپتى قىزمەتىنە تولايىم تابىس، ال باۋىرلاس كۋۆەيت حالقىنا باق-بەرەكە تىلەدى.
قاسىم-جومارت توقايەۆ СOP29 دۇنيەجۇزىلىك كليمات سامميتى اياسىندا كۋۆەيتتىڭ تاق مۇراگەرى، شەيح ساباح حاليد ءال-حاماد اس-ساباحپەن كەزدەسۋ وتكىزگەن بولاتىن.
