پرەزيدەنت ۇكىمەت مۇشەلەرىمەن ەلىمىزدىڭ ەكونوميكالىق جاعدايىن تالقىلادى
استانا. KAZINFORM - اقوردادا مەملەكەت باسشىسى قاسىم-جومارت توقايەۆتىڭ توراعالىعىمەن ەلىمىزدىڭ الەۋمەتتىك-ەكونوميكالىق دامۋ ماسەلەلەرى جانە ۇكىمەتتىڭ ورتامەرزىمدى كەزەڭگە ارنالعان بولجامدارى قاراستىرىلعان كەڭەس ءوتتى.
جيىنعا پرەمەر-مينيستر ولجاس بەكتەنوۆ، پرەزيدەنت اكىمشىلىگىنىڭ باسشىسى ايبەك دادەباي، ۇلتتىق بانك ءتوراعاسى، جوعارى اۋديتورلىق پالاتانىڭ ءتوراعاسى، ۇكىمەت مۇشەلەرى جانە باسقا دا لاۋازىمدى تۇلعالار قاتىستى.
پرەزيدەنتكە نەگىزگى الەۋمەتتىك-ەكونوميكالىق دامۋ كورسەتكىشتەرى، رەسپۋبليكالىق بيۋدجەتتىڭ بيىلعى 7 ايداعى ورىندالۋى جانە 2025-2027 -جىلدارعا ارنالعان رەسپۋبليكالىق بيۋدجەت جوباسىنداعى ماكروەكونوميكالىق پارامەترلەر جونىندە باياندالدى.
ۇكىمەت كەلەسى جىلى ەكونوميكا 5,6 پايىز دەڭگەيىندە ءوسىم كورسەتەدى، ال ينفلياتسيا 5,5-7,5 پايىزعا دەيىن تومەندەيدى دەپ بولجام جاساپ وتىر.
مەملەكەت باسشىسى ۇكىمەتكە ماكروەكونوميكالىق كورسەتكىشتەردى بولجاۋ جانە مەملەكەتتىك بيۋدجەت ساپاسىن ارتتىرۋ، ورتالىقتاعى جانە جەرگىلىكتى دەڭگەيدەگى مەملەكەتتىك شىعىنداردى باسىمدىعىنا قاراي رەتتەۋدىڭ ناقتى مەحانيزمىن ەنگىزۋ، سونداي-اق كولەڭكەلى ەكونوميكامەن كۇرەس شارالارىن كۇشەيتۋ تۋرالى مىندەت جۇكتەدى.
