10:38, 15 - قازان 2023 | GMT +5
پرەزيدەنت جانىبەك ءالىمحان ۇلىن قۇتتىقتادى
قازاقستان پرەزيدەنتى قاسىم- جومارت توقايەۆ بۇگىن نەمىس بوكسشىسى ۆينچەنتسو گۋالتەريدى جەڭىپ، WBO جانە IBF ساناتى بويىنشا ورتا سالماقتا ەكى بەلبەۋدى يەلەنگەن جانىبەك ءالىمحان ۇلىن قۇتتىقتادى، دەپ حابارلايدى Kazinform.

«جانىبەك ءالىمحان ۇلىن WBO جانە IBF تۇجىرىمدارىنان الەم چەمپيونى اتاعى ءۇشىن وتكەن جەكپە- جەكتەگى جارقىن جەڭىسىمەن قۇتتىقتايمىن. جانىبەك قازاق بوكس مەكتەبىنىڭ جوعارى دەڭگەيى مەن مىقتىلىعىن الەمگە تاعى دا پاش ەتتى. بۇل جەڭىس بوكسپەن اينالىساتىن جاستاردى بيىك بەلەستەردى باعىندىرۋعا ىنتالاندىرادى. سىزگە زور دەنساۋلىق، باق- بەرەكە تىلەيمىن. جەڭىستەن جەڭىسكە جەتە بەرىڭىز!» دەپ جازدى مەملەكەت باسشىسى X (بۇرىنعى Twitter) پاراقشاسىندا.
ەسكە سالا كەتەيىك، جانىبەك ءالىمحان ۇلى قارسىلاسىن تەحنيكالىق نوكاۋتپەن جەڭدى.
