16:52, 24 - ماۋسىم 2025 | GMT +5
پرەزيدەنت شۆەيتساريالىق Glencore كومپانياسى باس ديرەكتورىمەن كەزدەستى
استانا. KAZINFORM - شۆەيتساريالىق glencore كومپانياسىنىڭ باس ديرەكتورى گەري نەيگلمەن كەزدەسۋدە جەرگىلىكتى مازمۇندى ۇلعايتۋ بويىنشا ىنتىماقتاستىقتىڭ باسىم باعىتتارى قاراستىرىلدى.
سونىمەن قاتار تاۋ-كەن مەتاللۋرگياسى مەن ەنەرگەتيكا سالالارىنداعى بىرلەسكەن جوبالاردى ودان ءارى جۇزەگە اسىرۋ جوسپارى تالقىلاندى.
ايتا كەتەيىك، Glencore «قازتسينك» تاۋ-كەن كومپانياسىنىڭ اكتسيالار پاكەتىنە يەلىك ەتەدى. كومپانيا قۇرامىنداعى كاسىپورىندار شىعىس قازاقستان، اقمولا جانە ۇلىتاۋ وبلىستارىندا ورنالاسقان.
ەسكە سالايىق، بۇعان دەيىن مەملەكەت باسشىسى Citi بانكتىڭ 30 جىلدان اسا ۋاقىتتان بەرى ەلىمىزدىڭ سەنىمدى سەرىكتەسى ەكەنىن ايتقان.
