پرەزيدەنت ۇشاق اپاتىنا بايلانىستى پۋتينگە كوڭىل ايتتى
استانا. KAZINFORM - رەسەي فەدەراتسياسىنىڭ امۋر وبلىسىندا جولاۋشىلار ۇشاعى اپاتقا ۇشىراۋىنا بايلانىستى مەملەكەت باسشىسى قاسىم-جومارت رەسەي پرەزيدەنتى ۆلاديمير پۋتينگە كوڭىل ايتۋ جەدەلحاتىن جولدادى. بۇل تۋرالى اقوردا ءمالىم ەتتى.
- مەملەكەت باسشىسى قاسىم-جومارت توقايەۆ امۋر وبلىسىنداعى ۇشاق اپاتىنا بايلانىستى رەسەي فەدەراتسياسىنىڭ پرەزيدەنتى ۆلاديمير پۋتينگە كوڭىل ايتتى، - دەلىنگەن حابارلامادا.
ەسكە سالا كەتەيىك، بۇگىن تاڭدا امۋر وبلىسىندا ان-24 ۇشاعىنىڭ قۇلاعان جەرى انىقتالعان بولاتىن.
اپاتقا ۇشىراعان ان-24 ۇشاعىنىڭ سىنىقتارى تىندادان 16 شاقىرىم جەردەگى تاۋ باۋرايىنان تابىلعانىن امۋر ازاماتتىق قورعانىس جانە ءورت قاۋىپسىزدىگى ورتالىعى مالىمدەگەن ەدى.
امۋر وبلىسىندا جوعالعان ان-24 جولاۋشىلار ۇشاعى تىندا اۋەجايىنا قونۋعا ەكىنشى اينالىمنان كەيىن بايلانىسقا شىقپاي قويعان.
