پرەزيدەنت شاحماتشى مەرۋەرت كاماليدەنوۆانى جەتىستىگىمەن قۇتتىقتادى
استانا. KAZINFORM - پرەزيدەنت گرۋزيانىڭ باتۋمي قالاسىندا ءوتىپ جاتقان الەم كۋبوگىنىڭ ىرىكتەۋ سايىسىندا بەلگىلى شاحمات شەبەرلەرىن قاپى قالدىرعان مەرۋەرت كاماليدەنوۆاعا قۇتتىقتاۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.

- مەملەكەت ءوزىڭىز سياقتى تالاپتى جاستارعا ءارقاشان قولداۋ كورسەتەدى. ەلىمىزدە بۇل ينتەللەكتۋالدى ويىن ءتۇرىن جاپپاي دامىتۋ ءۇشىن ناقتى شارالار قولعا الىندى. وسكەلەڭ ۇرپاق وزدەرىڭىزگە قاراپ بوي تۇزەيدى. ءاربىر جەڭىستەرىڭىز ولاردى جىگەرلەندىرەدى، - دەپ جازىلعان جەدەلحاتتا.
مەملەكەت باسشىسى سپورتشىعا الداعى فينالدىق سايىستاردا ساتتىلىك تىلەدى.
ايتا كەتەيىك، وسىعان دەيىن ەلوردالىق شاحماتشى الەم كۋبوگىندا سەنساتسيا جاساعان بولاتىن.
ول شاحماتتان ايەلدەر اراسىندا گرۋزيانىڭ باتۋمي قالاسىندا وتكەن الەم كۋبوگىنىڭ 1/32 فينالىندا وسى ۋاقىتقا دەيىن چەمپيون بولىپ كەلگەن الەكساندرا گورياچكينانى (رەيتينگتە 6-ورىن) جەڭىپ كەتتى.