پرەزيدەنت: دومبىرا - ۇلت بولمىسى، حالىق قازىناسى

استانا. KAZINFORM - مەملەكەت باسشىسى الداعى ۇلتتىق دومبىرا كۇنىمەن قۇتتىقتادى. بۇل تۋرالى اقوردا ءمالىم ەتتى.

- دومبىرا - ۇلت بولمىسى، حالىق قازىناسى. «قازاق - ناعىز قازاق ەمەس، ناعىز قازاق - دومبىرا». اسىرەسە، وسكەلەڭ ۇرپاقتىڭ دومبىراعا دەگەن ىقىلاسى ەرەكشە. جاستار ءتول مادەنيەتىمىزدى تەرەڭ ءتۇسىنىپ، سالت-داستۇرىمىزگە قۇرمەتپەن قارايدى. بۇل - وتە جاقسى ءۇردىس. ويتكەنى اتا-بابالارىمىزدىڭ مادەني مۇراسىن كوزدىڭ قاراشىعىنداي ساقتاۋ - ناعىز وتانشىلدىقتىڭ كورىنىسى. وتانعا سۇيىسپەنشىلىك - مەملەكەتتىلىگىمىزدىڭ تەمىرقازىعى. قازاقستان جاستارىنىڭ مۇنى جاقسى ءتۇسىنىپ، قولدايتىنىنا ريزامىن. مەملەكەت رۋحانيات سالاسىن بارىنشا دامىتا بەرەدى. ءداستۇرلى ونەردىڭ دۇلدۇلدەرى قايرات بايبوسىنوۆ «قازاقستاننىڭ ەڭبەك ەرى»، ايگۇل ۇلكەنبايەۆا، ايگۇل قوسانوۆا «قازاقستاننىڭ حالىق ءارتىسى» اتاعىنا يە بولدى. قاسيەتتى قارا دومبىرانىڭ كۇمبىرىن بۇكىل الەمگە پاش ەتىپ جۇرگەن ازاماتتارعا العىس ايتامىن، - دەپ جازدى قاسىم-جومارت توقايەۆ ءوزىنىڭ X پاراقشاسىندا.

ۇلتتىق دومبىرا كۇنى شىلدە ايىنىڭ العاشقى جەكسەنبىسىندە اتالىپ وتەدى.

ەسكە سالا كەتەيىك، بۇعان دەيىن دومبىرا كۇنىنە وراي ەل كولەمىندە 300 گە جۋىق ءىس-شارا ۇيىمداستىرىلاتىنىن جازعان ەدىك.