پرەزيدەنت ءىس باسقارماسىنىڭ كوشپەندىلەر ويىندارىنا اتسالىسقان قىزمەتكەرلەرى ماراپاتتالدى
استانا. KAZINFORM - بۇگىن قازاقستان رەسپۋبليكاسى پرەزيدەنتى قاسىم-جومارت توقايەۆتىڭ جارلىعىمەن استانا قالاسىندا وتكەن V دۇنيەجۇزىلىك كوشپەندىلەر ويىندارىن ۇيىمداستىرۋعا جانە وتكىزۋگە ەرەكشە ۇلەس قوسقان پرەزيدەنت ءىس باسقارماسى جانە وعان باعىنىستى مەكەمەلەردىڭ قىزمەتكەرلەرى مەملەكەتتىك ناگرادالارمەن ماراپاتتالدى.
«ءبىز مەملەكەت باسشىسى قاتىساتىن ءىس-شارالاردا ۇنەمى بەلسەندى جۇمىس ىستەيمىز. بۇگىن پرەزيدەنت اتىنان مەملەكەتتىك ناگرادا الدىم، بۇل مەن ءۇشىن ۇلكەن قۇرمەت. كوشپەندىلەر ويىندارىن جوعارى دەڭگەيدە وتكىزدىك دەپ ويلايمىن. دۇنيەجۇزىلىك كوشپەندىلەر ويىندارى كەزىندە بىزگە تەحنيكالىق جانە بايلانىسپەن (ينتەرنەت) قامتۋ مىندەتى جۇكتەلدى. ارينە، قۇزىرلى ورگاندار جانە بايلانىس وپەراتورلارىمەن بىرلەسىپ جۇمىس ىستەدىك. بۇل ماراپات ماعان ۇلكەن جاۋاپكەرشىلىكتى جۇكتەيدى»، - دەدى «ەرەن ەڭبەگى ءۇشىن» مەدالىن العان پرەزيدەنت ءىس باسقارماسى سيفرلاندىرۋ جانە جوبالىق باسقارۋ ءبولىمىنىڭ مەڭگەرۋشىسى داۋرەن مولداحمەتوۆ.
كەشە V دۇنيەجۇزىلىك كوشپەندىلەر ويىندارىنا اتسالىسقان ازاماتتار ماراپاتتاۋ تۋرالى پرەزيدەنت جارلىعى شىققان ەدى.
قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتالدى:
«ەرەن ەڭبەگى ءۇشىن» مەدالىمەن مولداحمەتوۆ داۋرەن نۇرلان ۇلى، پرەزيدەنت ءىس باسقارماسى سيفرلاندىرۋ جانە جوبالىق باسقارۋ ءبولىمىنىڭ مەڭگەرۋشىسى.
«شاپاعات» مەدالىمەن:
يسپايەۆ ايات امانگەلدى ۇلى، پرەزيدەنت ءىس باسقارۋشىسىنىڭ كومەكشىسى؛
وسپانوۆا جۇماگۇل تۇراربەك قىزى، مەديتسينالىق ورتالىقتىڭ سانيتاريالىق ەپيدەميولوگيالىق ساراپتاما ورتالىعىنىڭ سانيتاريالىق دارىگەرى؛
وسىمبەكوۆ ازامات ەسەنتاي ۇلى، ۆد ستروي-ينجينيرينگ جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى؛
ەسەتوۆ عالىمجان تەمىرحان ۇلى، ۆد ستروي-ينجينيرينگ جاۋاپكەرشىلىگى شەكتەۋلى سەرىكتەستىگىنىڭ جوبا جەتەكشىسى.
سونىمەن قاتار كەلەسى قىزمەتكەرلەرگە قازاقستان رەسپۋبليكاسى پرەزيدەنتىنىڭ قۇرمەت گراموتاسى تاپسىرىلدى:
مۇقاشيەۆ مارات جومارتبەك ۇلى، پرەزيدەنت ءىس باسقارماسى ماتەريالدىق-تەحنيكالىق قامتاماسىز ەتۋ ءبولىمىنىڭ مەڭگەرۋشىسى؛
يساقوۆ نۇرلان ماحانبەتالي ۇلى، مەديتسينالىق ورتالىق اۋراحاناسىنىڭ جەدەل جاردەم دارىگەرى؛
زەلەنىي ۆاسيلي سەرگەيەۆيچ، مەديتسينالىق ورتالىق اۋراحاناسىنىڭ جەدەل جاردەم دارىگەرى؛
ودان بولەك، مەملەكەتتىك رەزيدەنتسيالار ديرەكتسياسىنىڭ 13 قىزمەتكەرى قۇرمەت گراموتاسىن الدى.
