پرەزيدەنت: ازيا ەلدەرى جاھاندىق جىلىنۋ مەن سۋ تاپشىلىعىنىڭ سالدارىن قازىردىڭ وزىندە سەزىنىپ وتىر
استانا. KAZINFORM - مەملەكەت باسشىسى قاسىم-جومارت توقايەۆ ارال تەڭىزىن قالپىنا كەلتىرۋگە قولداۋ كورسەتكەنى ءۇشىن يتاليا باسشىلىعىنا العىس ايتتى.
- ازيا ەلدەرى جاھاندىق جىلىنۋدىڭ، مۇزدىقتاردىڭ ەرۋىنىڭ، شولەيت جانە سۋ تاپشىلىعىنىڭ سالدارىن قازىردىڭ وزىندە سەزىنىپ وتىر. ءبىز ايماقتاعى ەكولوگيالىق ماسەلەلەردى، اتاپ ايتقاندا ارال تەڭىزى الابىن قالپىنا كەلتىرۋ ىسىندەگى بەلسەندى قولداۋى ءۇشىن يتالياعا ريزاشىلىعىمىزدى بىلدىرەمىز. ءبىز سۋدى ۇتىمدى پايدالانۋ جانە شولەيتتەنۋگە قارسى كۇرەسكە ارنالعان تەحنولوگيالاردى ەنگىزۋ ماقساتىندا يتاليامەن، ونىڭ ىشىندە يتاليانىڭ كليماتتىق قورىمەن ودان ءارى ناتيجەلى ىنتىماقتاستىققا ءۇمىت ارتامىز، - دەدى قاسىم-جومارت توقايەۆ ەلوردادا ءوتىپ جاتقان «ورتالىق ازيا - يتاليا» ءبىرىنشى سامميتىندە.
بۇعان دەيىن قاسىم-جومارت توقايەۆ كاسپيدەن افريكاعا دەيىن سوزىلاتىن ازيا مەن ەۋروپا اراسىنداعى ەڭ سەنىمدى جانە قاۋىپسىز كولىك جەلىسىن قۇرۋدى ۇسىندى.
اۆتور
داۋلەت ىزتىلەۋ
