08:02, 06 - ءساۋىر 2024 | GMT +6
پرەزيدەنت اتىراۋ وبلىسى اكىمىنە قوڭىراۋ شالدى
استانا. KAZINFORM - مەملەكەت باسشىسى قاسىم-جومارت توقايەۆ اتىراۋ وبلىسىنىڭ اكىمى سەرىك شاپكەنوۆكە قوڭىراۋ شالدى. بۇل تۋرالى اقوردانىڭ باسپا ءسوز قىزمەتى مالىمدەدى.
«مەملەكەت باسشىسى ايماقتاعى سۋ تاسقىنىن باقىلاۋدا ۇستاپ وتىر. سۋ تاسقىنى قاۋپىن ازايتۋعا باعىتتالعان شارالار قابىلدانادى ءارى كۇشەيتىلەدى. ۇكىمەت سۋ تاسقىنىنان زارداپ شەككەن تۇرعىندارعا كومەكتەسەدى، زيان كەلتىرىلگەن ماتەريالدىق شىعىن تولىعىمەن وتەلەتىن بولادى» - دەلىنگەن حابارلامادا.
قاسىم-جومارت توقايەۆ وبلىستاعى بىردە-ءبىر وتباسى مەملەكەتتىڭ نازارىنان تىس قالمايتىنىن ايتىپ، ولارعا سالەم جولداپ، بارىنشا قولداۋ كورسەتىلەتىنىن ايتتى.
