پرەزيدەنت، پارلامەنت، ۇكىمەت جۇمىسىنىڭ جاڭا رەگلامەنتى بەكىتىلدى

استانا. KAZINFORM - مەملەكەت باسشىسى قاسىم-جومارت توقايەۆ پرەزيدەنت جانە پرەزيدەنت اكىمشىلىگىنىڭ، پارلامەنت پەن ۇكىمەتى جۇمىسىنىڭ رەگلامەنتىن بەكىتۋ تۋرالى وكىمگە قول قويدى.

وكىمدە جۇمىس اپتاسىنىڭ ءار كۇنىندە قاي ورگاننىڭ قانداي شارا وتكىزەتىنى ايقىندالعان.

دۇيسەنبى - پرەزيدەنتكە تىكەلەي باعىناتىن جانە ەسەپ بەرەتىن مەملەكەتتىك ورگاندار باسشىلارىنىڭ وعان ەسەپ بەرۋى، ۇكىمەتتىڭ سەلەكتورلىق كەڭەس وتىرىستارى، پرەزيدەنت اكىمشىلىگىندە، ۇكىمەتتە، ورتالىق مەملەكەتتىك جانە جەرگىلىكتى اتقارۋشى ورگانداردا وتەتىن جەدەل كەڭەستەر.

سەيسەنبى - ۇكىمەت وتىرىسى، پرەزيدەنتتىڭ پارلامەنت پالاتالارىنىڭ سپيكەرلەرى مەن دەپۋتاتتارىن قابىلداۋى.

سارسەنبى - پرەزيدەنتتىڭ ۇكىمەت مۇشەلەرىن قابىلداۋى، پرەزيدەنت اكىمشىلىگىندە، ۇكىمەتتە، ورتالىق مەملەكەتتىك ورگانداردا جەرگىلىكتى اتقارۋشى ورگانداردىڭ باسشىلارىمەن جۇرگىزىلەتىن جۇمىس.

بەيسەنبى - پرەزيدەنتتىڭ وڭىرلەرگە جۇمىس ساپارلارى، ۇكىمەت جانىنداعى كونسۋلتاتيۆتىك- كەڭەسشى ورگانداردىڭ وتىرىستارى.

جۇما - پرەزيدەنتتىڭ وڭىرلەردىڭ اكىمدەرىمەن تەلەفون ارقىلى كەلىسسوزدەرى، پرەمەر- ءمينيستردىڭ پرەزيدەنتكە بايانداما جاساۋى، مينيسترلىكتەر مەن ۆەدومستۆولاردا وتەتىن كەڭەستەر.

«پارلامەنت ءماجىلىسىنىڭ وتىرىسى - سارسەنبى كۇنى، پارلامەنت سەناتىنىڭ وتىرىسى - بەيسەنبى كۇنى (ولاردىڭ جۇمىس رەگلامەنتتەرىنە سايكەس) وتەدى. قاۋىپسىزدىك كەڭەسىنىڭ وتىرىستارى مەن جەدەل كەڭەستەرى قازاقستان رەسپۋبليكاسى قاۋىپسىزدىك كەڭەسى ءتوراعاسىنىڭ شەشىمى بويىنشا كەز كەلگەن كۇنى جانە تاۋلىكتىڭ كەز كەلگەن ۋاقىتىندا وتكىزىلۋى مۇمكىن»، - دەپ جازىلعان وكىمنىڭ ەسكەرتپەسىندە.

اۆتور

ەسىمجان ناقتىباي