15:30, 17 - تامىز 2025 | GMT +5
پرەزيدەنت پاكىستان پرەمەر-ءمينيسترى شاحباز شاريفكە كوڭىل ايتۋ جەدەلحاتىن جولدادى
استانا. KAZINFORM - پرەزيدەنت قاسىم-جومارت توقايەۆ پاكىستاندا سۋ تاسقىنى مەن نوسەر جاۋىننىڭ سالدارىنان كوپتەگەن ادامنىڭ قازا تاۋىپ، زارداپ شەگۋىنە بايلانىستى كوڭىل ايتتى. بۇل تۋرالى اقوردانىڭ باسپا ءسوز قىزمەتى حابارلادى.
- قازا بولعان ادامداردىڭ وتباسىلارىنا كوڭىل ايتىپ، قايعىسىنا ورتاقتاسامىن. زارداپ شەككەندەردىڭ تەزىرەك ساۋىعىپ كەتۋىنە تىلەكتەسپىن، - دەپ جازىلعان جەدەلحاتتا.
ەسكە سالا كەتەيىك، بۇعان دەيىن مەملەكەت باسشىسى قاسىم-جومارت توقايەۆ پرابوۆو سۋبيانتونى يندونەزيا رەسپۋبليكاسى تاۋەلسىزدىگىنىڭ 80 جىلدىق مەرەيتويىمەن قۇتتىقتاعانىن جازعان ەدىك.
