پرەزيدەنت اباي وبلىسىنداعى پوليتسەيگە العىس ءبىلدىردى

سەمەي. KAZINFORM - اباي وبلىسىنداعى پوليتسيا قىزمەتكەرى مەملەكەت باسشىسىنىڭ العىس حاتىن الدى.

2-ناۋرىز كۇنى كوكپەكتى اۋدانىنداعى اپاتتىق-قۇتقارۋ جۇمىستارىن جۇرگىزۋ كەزىندە قىزمەتتىك بورىشىن ادال اتقارعانى جانە باتىلدىعى ءۇشىن اۋداندىق پ ب اكىمشىلىك پوليتسيا بولىمشەسىنىڭ باستىعى، پوليتسيا مايورى دانيار قايىرقانوۆ قازاقستان رەسپۋبليكاسى پرەزيدەنتىنىڭ العىس حاتىمەن ماراپاتتالدى.

پوليتسيا قىزمەتكەرىنە ماراپاتتى ق ر توتەنشە جاعدايلار ۆيتسە-ءمينيسترى، گەنەرال-مايور ەرلان نۇرپەيىسوۆ سالتاناتتى تۇردە تابىس ەتتى.

ەستەرىڭىزگە سالا كەتەيىك، وسى جىلدىڭ 16-اقپانىندا كوكپەكتى اۋدانىندا اۋا رايىنىڭ قولايسىزدىعىنان 100 دەن استام كولىك قار قۇرساۋىندا قالعان بولاتىن.

ءتارتىپ ساقشىسى كۇردەلى مەتەورولوگيالىق جاعدايعا قاراماستان اباي وبلىسىنداعى تاسجولعا شىعىپ، جۇرگىزۋشىلەرگە جول كورسەتتى.

بارلىعى قۇتقارۋ وپەراتسياسى بارىسىندا ازاماتتىق قورعاۋ جانە جول پوليتسياسى قىزمەتكەرلەرى 381 ادامدى قۇتقاردى، ونىڭ 19 ى بالا.