پرەزيدەنت 3400 ادام جۇمىس ىستەيتىن زاۋىتقا باردى
2018 -جىلى نەگىزى قالانعان «ءبىرىڭعاي شوعىرلاندىرۋ ورتالىعى» ج ش س رەزەڭكە جانە پلاستماسسا بۇيىمدارىن وندىرەدى، دەپ حابارلايدى Kazinform.
اقوردانىڭ جەلىدەگى رەسمي پاراقشاسىنىڭ جازۋىنشا، كاسىپورىن جىل سايىن 72 ميلليون باقىلاۋ- ينديكاتور پلومبالارى مەن وزدىگىنەن جابىساتىن لەيبلدەر، سونداي- اق مال شارۋاشىلىعىندا قولدانىلاتىن 24 ميلليون دانا سىرعا شىعارادى.
«ۋنيۆەرسال» ج ش س كومپانيالار توبىنا كىرەتىن «ءبىرىڭعاي شوعىرلاندىرۋ ورتالىعى» پوليپروپيلەن قاپتارىن شىعاراتىن زاۋىتتى، سونداي- اق قازاقستاننىڭ وزگە دە وڭىرلەرىندە كراحمال جانە كراحمالدىڭ قانتقا اينالىپ ۇلگەرمەگەن ءتۇرىن وندىرەتىن ءىرى ءوندىرىس ورنىن باسقارادى.
قازىرگى ۋاقىتتا تۇركىستان وبلىسىنىڭ شاردارا قالاسىندا جۇگەرى ءدانىن تەرەڭ وڭدەۋ جوباسىن جۇزەگە اسىرۋ جوسپارلانىپ وتىر. زاۋىتتىڭ قۋاتى جىلىنا 150 مىڭ توننانى قۇرايدى.
كومپانيالار توبى 80-نەن استام ءونىم ءتۇرىن شىعارادى. مۇندا 3400 ادام جۇمىس ىستەيدى. سالىنعان ينۆەستيتسيا كولەمى - 60 ميلليارد تەڭگە.
مەملەكەت باسشىسى سونىمەن بىرگە جابىندى مەن قاپتاما ماتەريالدارىن شىعاراتىن «Metal Former» ج ش س- ءنىڭ ءوندىرىس جەلىسىمەن تانىستى.
ىشكى نارىققا شىعارىلاتىن زاۋىت ءونىمى شەتەلدەن يمپورتتالاتىن اليۋميني پروفيلدەردى 15 پايىزعا دەيىن، ال شاتىر جابىندىلارى مەن فيبروتسەمەنت پانەلدەر يمپورتىن 40 پايىزعا دەيىن الماستىرۋعا مۇمكىندىك بەرەدى.
مەملەكەت باسشىسىنا ءوندىرىس سەحى مەن دايىن ونىمدەر كورسەتىلدى.
قاسىم-جومارت توقايەۆ يمپورتتان كەلەتىن قۇرىلىس ماتەريالدارىن ءوزىمىزدىڭ وتاندىق ونىمدەر الماستىرۋى كەرەك ەكەنىنە نازار اۋدارىپ، مۇنداي كاسىپورىنداردى قولداۋدىڭ ماڭىزىن اتاپ ءوتتى.
اۆتور
اسحات رايقۇل
