گرۋزياداعى قازاقستاندىقتاردىڭ شاعىمىنا قاتىستى ءىس شەشىمىن تاپتى – س ءى م

استانا. KAZINFORM - گرۋزيا شەكاراسىندا ق ر ازاماتتارىنا دورەكى قارىم-قاتىناس جاساۋ دەرەگىنە قاتىستى ماسەلە شەشىمىن تاپتى. بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى.

بۇعان دەيىن الەۋمەتتىك جەلىلەردە قازاقستاندىقتار گرۋزيانىڭ كەدەن قىزمەتكەرلەرى مەن كەيبىر جەرگىلىكتى تۇرعىنداردىڭ دورەكى قارىم-قاتىناس كورسەتكەنىن ايتىپ، نارازىلىق بىلدىرگەن بولاتىن. قازاقستان-گرۋزيا ەكونوميكالىق وداعى دا بۇل ماسەلەگە قاتىستى الاڭداۋشىلىق تانىتتى.

ايبەك سمادياروۆتىڭ ايتۋىنشا، شاعىم تۇسكەننەن كەيىن ق ر س ءى م جەدەل تۇردە ارەكەت ەتىپ، بىردەن كونسۋلدىق دەڭگەيدە كەڭەستەر ۇيىمداستىرعان. كەلىسسوز جۇرگىزۋ ءۇشىن مينيسترلىك وكىلدەرى بىردەن گرۋزياعا اتتانعان. ونىڭ ايتۋىنشا، گرۋزين تاراپى ءوز ەلىنىڭ قاۋىپسىزدىگىن قامتاماسىز ەتۋگە ءجىتى نازار اۋدارادى جانە وسىعان بايلانىستى كەيبىر جاعدايلارعا قاتىستى تالاپ قاتاڭ.

- مۇمكىن، وسى تالاپتارعا ءبىزدىڭ تۋريستەر دە ىلىككەن بولار. ءبىراق ەندى ولار (گرۋزين تاراپى - رەد.) شەكارا جانە كەدەن قىزمەتى وكىلدەرىمەن اڭگىمەلەسىپ، ءتيىستى نۇسقاۋ بەرۋگە ۋادە ەتتى. وسىلايشا ءبىز گرۋزين تاراپىمەن ءوزارا تۇسىنىستىككە قول جەتكىزدىك. ەگەر تاعى قانداي دا ءبىر جاعداي بولا قالسا، ءاربىر وقيعانى جەكە قاراستىراتىن بولامىز، - دەدى رەسمي وكىل.

اۆتور

ەربول جانات