17:32, 29 - ناۋرىز 2025 | GMT +5
گرۋزيادا نارازىلىقتار قايتا باستالدى
استانا. KAZINFORM - نارازىلىق «ميحايل سااكاشۆيليدىڭ پرەزيدەنتتىگى كەزىندە جاسالعان قىلمىستاردى» تەرگەيتىن پارلامەنتتىك تەرگەۋ كوميسسياسىنىڭ وتىرىسى اياسىندا باستالدى، دەپ جازدى انادولى سايتى.
گرۋزيا استاناسى تبيليسيدە ەل پارلامەنتى عيماراتىنىڭ جانىندا نارازىلىق شەرۋى ءوتىپ جاتىر. بۇل تۋرالى گرۋزين ب ا ق حابارلادى.
نارازىلىق شاراسى «ميحايل سااكاشۆيليدىڭ پرەزيدەنتتىگى كەزىندە جاسالعان قىلمىستاردى» تەرگەيتىن پارلامەنتتىك تەرگەۋ كوميسسياسىنىڭ وتىرىسى اياسىندا باستالدى.
دەمونسترانتتار 2008 -جىلعى تامىزداعى وقيعالارعا قاتىستى جۇرگىزىلىپ جاتقان تەرگەۋگە قارسىلىق ءبىلدىرۋ ءۇشىن زاڭ شىعارۋشى عيماراتتىڭ كىرەبەرىسىنە جينالدى.
پوليتسەيلەر عيماراتقا كىرە بەرىستى قورشاۋعا الدى. شەرۋشىلەر اراسىندا ۇستالعاندار دا بار.
