پەريزات قايراتتىڭ سوتى قاشان باستالادى

استانا. KAZINFORM - قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ ءماجىلىستىڭ جالپى وتىرىسىنان كەيىن قايىرىمدىلىق قورى ارقىلى اقشا جىمقىردى دەگەن كۇدىكپەن قامالعان پەريزات قايراتتىڭ سوتى قاشان باستالاتىنىن ايتتى.

- كۇدىكتىلەردى ءىس ماتەريالدارىمەن تانىستىرۋ 9-ماۋسىمدا بىتكەننەن كەيىن زاڭ بويىنشا ءۇش كۇن بەرىلەدى. 10 كۇننىڭ ىشىندە پروكۋراتۋرا ءىستى سوتقا جىبەرگەننەن كەيىن سوت قابىلداپ، قاي كۇنى باستالاتىنىن ايتادى، - دەدى اگەنتتىك وكىلى.

سونداي-اق، ول تەرگەۋ كەزىندە وسى ىسكە قانداي دا ءبىر قاتىسى بار دەگەن نەگىزبەن 100 گە جۋىق ادامنان جاۋاپ الىنعانىن اتاپ ءوتتى. الايدا كۇدىكتىلەر سانى وزگەرىسسىز قالىپ وتىر - پەريزات قايراتتىڭ ءوزى مەن اناسى.

- سوندا 9-ماۋسىمنان كەيىن 10 كۇننىڭ اينالاسىندا سوت پروتسەسى باستالادى عوي، - دەپ ناقتىلادىق ب ا ق وكىلدەرى.

- ءدال ايتىپ تۇرسىز، - دەدى جەڭىس ەلەمەسوۆ.

ەسكە سالساق، 3-ساۋىردە پەريزات قايراتقا قاتىستى قىلمىستىق ءىستى تەرگەۋدىڭ اياقتالعانى بەلگىلى بولعان ەدى.