پەريزات قايرات ءىسى: اپەللياتسيا 24-قىركۇيەكتە قارالادى
استانا. KAZINFORM - استانا قالاسىنىڭ سوتى پەريزات قايرات پەن ونىڭ اناسى عايني الاشبايەۆانىڭ ءىسى بويىنشا ادۆوكاتتىڭ اپەللياتسيالىق شاعىمىن قاراماق، دەپ حابارلايدى Kazinform اگەنتتىگىنىڭ ءتىلشىسى.
سوتتىڭ باسپا ءسوز قىزمەتى حابارلاعانداي، وتىرىس 24-قىركۇيەك كۇنى ساعات 14:30 دا وتەدى.
بارلىق تاراپ پەن سوت پروتسەسىنە قاتىسۋشىلار وتىرىسقا ونلاين-رەجيمدە قاتىسادى.
ەسكە سالايىق، بيىلعى 25-شىلدەدە استانا سوتى پەريزات قايراتتى 10 جىلعا باس بوستاندىعىنان ايىرىپ، وعان قايىرىمدىلىق قىزمەتپەن اينالىسۋ قۇقىعىن شەكتەۋ تۋرالى ۇكىم شىعارعان ەدى. ونىمەن بىرگە ونىڭ اناسى عايني الاشبايەۆا دا سوتتالعان.
كەيىننەن پەريزات قايراتتىڭ ادۆوكاتى بۇل ۇكىمگە اپەللياتسيالىق شاعىم بەرىلەتىنىن مالىمدەگەن بولاتىن.
سونىمەن قاتار، قارجىلىق مونيتورينگ اگەنتتىگى پەريزات قايراتتىڭ مۇلكى اۋكسيون ارقىلى ساتىلاتىنىن حابارلادى.
