رينات زايىتوۆتىڭ ۇسىنىسىنا تامارا دۇيسەنوۆا جاۋاپ بەردى

پرەمەر-ءمينيستردىڭ ورىنباسارى تامارا دۇيسەنوۆا ءماجىلىس دەپۋتاتى رينات زايىتوۆتىڭ ەڭ تومەنگى ايلىق 300 مىڭ تەڭگە بولۋى كەرەك دەگەن ۇسىنىسىنا پىكىر ءبىلدىردى، دەپ حابارلايدى قازاقپارات ءتىلشىسى.

«ەڭ تومەنگى ەڭبەكاقى دەگەن - بىلىكتىلىگى جوق جۇمىسشىنىڭ ەشقانداي ۇستەمەاقىسىز ايلىعى. ياعني، ءار جۇمىس بەرۋشى وسىدان تومەن تولەمەۋى كەرەك. ەڭبەك ينسپەكتسيالارى تەكسەرگەن كەزدە مۇنداي فاكتىلەر انىقتالسا، ايىپپۇل سالىنۋى مۇمكىن»، - دەدى ۆيتسە-پرەمەر بۇگىن ەلوردادا ەڭبەك كۇنىنە وراي وتكەن فورۋمنان كەيىن تىلشىلەر سۇراعىنا جاۋاپ بەرە وتىرىپ.

پرەمەر-مينيستر ورىنباسارىنىڭ پايىمىنشا، ءماجىلىس دەپۋتاتىنىڭ ۇسىنىسى ەكونوميكانىڭ دەڭگەيىنە ساي كەلمەيدى.

«مەملەكەتتىڭ ەكونوميكالىق مۇمكىندىكتەرىن ەسكەرۋلەرىڭىز كەرەك قوي. قازىر ورتاشا ايلىق 365 مىڭ تەڭگەدەن ءسال جوعارى. وسىدان الىپ ەسەپتەپ كورسەڭىزدەر، بۇگىندە ءبىزدىڭ ەكونومكيكانىڭ دەڭگەيى مەن جۇمىس بەرۋشىلەر وسىنداي دەڭگەيدە عانا تولەي الادى. بىزدە (ەڭ تومەنگى ەڭبەكاقى - رەد.) 3-4 جىل بۇرىن 28 مىڭ تەڭگە بولعان. كەيىن 42500 دەن 60 مىڭ، 70 مىڭ بولىپ ءوستى. ەندى 85500 ەتۋ قاراستىرىلىپ وتىر. بۇل الدىڭعى كورسەتكىشتەرگە قاراعاندا ءوسىم عوي»، - دەدى تامار دۇيسەنوۆا.