ريمدەگى جويقىن جارىلىستان 21 ادام زارداپ شەكتى

استانا. KAZINFORM - وقيعا يتاليا استاناسىنىڭ پرەنەستينو اۋدانىندا بولعان. جارىلىس داۋىسى ريمنىڭ باسقا اۋداندارىنا دا ەستىلدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

اپات پرەنەستينو قالاسىنداعى ۆيا دەي گوردياني بويىنداعى جانارماي قۇيۋ بەكەتىندە بولدى.

وقيعا سەبەبى ءالى انىقتالىپ جاتىر، دەپ حابارلايدى يتاليالىق ب ا ق.

ازىرگە ەكى جارىلىس بولعانى بەلگىلى. ەكىنشىسى قۋاتتىراق بولدى. كۋاگەرلەردىڭ ايتۋىنشا، بۇعان دەيىن اپاتقا بايلانىستى ايماققا جەدەل جاردەم شاقىرىلعان، ءبىراق ەكى وقيعا اراسىندا بايلانىس بار-جوعى بەلگىسىز. وسى ۋاقىتتا كەيبىر ازاماتتار گازدىڭ وتكىر ءيىسى شىققانىن حابارلادى.

- وكىنىشكە وراي، بۇل سۇيىتىلعان مۇناي گازىن ءتۇسىرۋ كەزىندە بولعان اپات سالدارىنان بولعان اۋىر ءورت بولدى، - دەدى ريم پوليتسياسىنىڭ كوميسسارى روبەرتو ماسسۋچچي.

وپەراتسيا جۇرگىزگەن پوليتسيا قىزمەتكەرلەرى، سونداي-اق باسقا دا قۇتقارۋشىلار قۋاتتى جارىلىستان جاراقات الىپ، قازىر ءارتۇرلى اۋرۋحانالاردا جاتىر. سونداي-اق، 16 بەيبىت تۇرعىننىڭ جارالانعانى بەلگىلى بولدى، ولاردىڭ اراسىندا ستانتسيا باسشىسى دا بار.

ريم پاپاسى جارىلىستان زارداپ شەككەن حالىق ءۇشىن دۇعا ەتىپ جاتقانىن ايتتى.

- مەن وسى قايعىلى وقيعاعا بايلانىستى وقيعالاردى الاڭداۋشىلىقپەن قاداعالايمىن، - دەدى كاتوليك شىركەۋىنىڭ باسشىسى.

ەسكە سالا كەتەيىك، بۇعان دەيىن چەحيادا اپتاپ ىستىقتان قويماداعى وق-دارىلەر جارىلا باستاعانىن جازعان ەدىك.