ريم پاپاسىنىڭ نەدەن قايتىس بولعانى بەلگىلى بولدى
ۆاتيكان. KAZINFORM - پاپا فرانتسيسكتىڭ ينسۋلت پەن كەيىنگى قايتىمسىز جۇرەك جەتكىلىكسىزدىگىنەن قايتىس بولعانىن ۆاتيكانعا سىلتەمە جاساپ Euronews حابارلادى.
ەسكە سالا كەتەيىك، بۇعان دەيىن ريم پاپاسى 2025-جىلعى 21-ساۋىردە، دۇيسەنبى كۇنى ۆاتيكانداعى كاسا-سانتا-مارتا رەزيدەنتسياسىندا دۇنيەدەن وزعانى حابارلاندى.
مەملەكەت باسشىسى ريم پاپاسى فرانتسيسكتىڭ قايتىس بولۋىنا بايلانىستى كوڭىل ايتتى.
بىلتىر ريم پاپاسى فرانتسيسك ءوزىنىڭ جالپى اۋدەنتسياسى كەزىندە ورتالىق ازيا ەلدەرىنىڭ كوپتەگەن ايماقتارىنا اسەر ەتكەن جانە مىڭداعان ادامدى ەۆاكۋاتسيالانۋعا ءماجبۇر ەتكەن قازاقستانداعى جاپپاي سۋ تاسقىنىنان زارداپ شەككەندەر ءۇشىن دۇعا ەتۋگە شاقىرعان بولاتىن.
ال، وتكەن جىلى قاڭتاردا مەملەكەت باسشىسى ريم پاپاسىنىڭ شاقىرۋىمەن قاسيەتتى تاققا العاشقى رەسمي ساپارىن جاسادى. قازاقستان پرەزيدەنتى ءسوزىنىڭ باسىندا الەمدەگى ادامزاتتىڭ يگىلىگى جولىنداعى قاجىماس قايراتى مەن قاجىرلى كۇش-جىگەرى ءۇشىن كاتوليك شىركەۋىنىڭ جوعارعى پونتيفيكىنە ريزاشىلىعىن بىلدىرگەن بولاتىن.
