17:29, 20 - قىركۇيەك 2023 | GMT +5
ريم پاپاسى قاراباقتاعى جانجالدى بەيبىت جولمەن شەشۋگە شاقىردى
ريم پاپاسى فرانتسيسك قاراباقتاعى جانجالدى بەيبىت جولمەن رەتتەۋگە شاقىردى. قازاقپارات بۇل تۋرالى Vatican News باسىلىمىنا سىلتەمە جاساپ.
پاپا فرانتسيسك سارسەنبى كۇنى رەسمي قابىلداۋ كەزىندە قاراباقتاعى گۋمانيتارلىق داعدارىسقا الاڭداۋشىلىق ءبىلدىردى.
«كەشە وڭتۇستىك كاۆكازداعى قاراباقتان الاڭداتارلىق حابار الدىم. ونسىز دا قيىنداپ تۇرعاندا گۋمانيتارلىق احۋال ەندى جاڭا قارۋلى قاقتىعىستارمەن ۋشىعا تۇسۋدە»، - دەدى پونتيفيك.
ول تاراپتاردى شيەلەنىستى توقتاتىپ، داعدارىستى بەيبىت جولمەن شەشۋگە شاقىردى.
«قاقتىعىسقا قاتىسۋشى بارلىق تاراپتى جانە حالىقارالىق قاۋىمداستىقتى قارۋ قولدانۋدى توقتاتۋعا جانە حالىق يگىلىگى مەن ادامنىڭ قادىر-قاسيەتىنە قۇرمەت ءۇشىن بەيبىت شەشىمدەردى تابۋعا بار كۇش-جىگەردى سالۋعا تاعى دا شاقىرامىن»، - دەدى ريم پاپاسى.
