ريم پاپاسى فرانسيسكتىڭ جۇزىگى بالعامەن سىندىرىلادى

ريم پاپاسى فرانتسيسك 21-ساۋىردە 88 جاسىندا كوز جۇمدى. ونىڭ جەرلەۋ ءراسىمى 26-ساۋىرگە جوسپارلانعان. وسىعان وراي ۆاتيكاندا پونتيفيكتەرگە ءتان داستۇرلەردىڭ ءبىرى - جۇزىكتى بالعامەن سىندىرۋ ءراسىمى وتەدى.

جۇزىك - ءاربىر جاڭا سايلانعان پاپاعا ارنايى جاسالاتىن جالعىز دانا اشەكەي، ونى ريم زەرگەرلەر گيلدياسى دايىندايدى. بۇل جۇزىكتى كاتوليكتەر ءسۇيىپ قۇرمەتتەيدى، سونداي-اق ول پونتيفيك قول قويعان ماڭىزدى قۇجاتتاردى بەكىتۋ ءۇشىن دە قولدانىلعان.

فرانسيسكتىڭ جۇزىگى التىننان ەمەس، ونىڭ وتىنىشىمەن قاپتالعان كۇمىستەن جاسالعان - ۇنەمدەۋ ماقساتىندا. جۇزىكتى كامەرلەنگو (پاپا سارايىنىڭ ۋاقىتشا باسقارۋشىسى) - كەۆين دجوزەف فاررەلل سىندىرادى. بۇل ءراسىم پاپانىڭ قايتىس بولۋىن رەسمي تۇردە بەكىتۋ جانە جالعان قۇجاتتارعا جول بەرمەۋ ءۇشىن جاسالادى. جۇزىكتىڭ سىنىقتارى مارقۇمنىڭ مۇردەسىمەن بىرگە جەرلەنەدى.

سونىمەن قاتار، فرانسيسك ءوز دەنەسىن مىرىشپەن قاپتالعان اعاش تابىتقا سالۋدى جانە بەتىنە اق ماتامەن جابۋدى وسيەت ەتكەن. ونىڭ جانىنا پونتيفيك كەزەڭىندە سوعىلعان مونەتالار مەن ءومىربايانى جازىلعان پەرگامەنت قويىلادى.

turkystan.kz