ريددەردە قار جاۋدى

وسكەمەن. KAZINFORM - شىعىس قازاقستان وبلىسىندا اۋا رايى كۇرت سۋىتادى.

ريددەردە كەشە قار جاۋعانى تۋرالى ۆيدەو جەلىدە تاراپ كەتتى. سينوپتيكتەردىڭ مالىمەتىنشە، بۇگىن تۇندە وبلىستىڭ شىعىسى مەن سولتۇستىگىندە تاعى قار ارالاس جاڭبىر جاۋادى.

- 29 -مامىردا وبلىستىڭ شىعىس بولىگىندە جاڭبىر جاۋادى. تۇندە جانە تاڭەرتەڭ تۇمان كۇتىلەدى. سولتۇستىك-شىعىستان سوعاتىن جەلدىڭ ەكپىنى سەكۋندىنا 18 مەترگە جەتەدى. اۋا تەمپەراتۋراسى تۇندە 1+ گرادۋستان  6+ گرادۋسقا دەيىن، شىعىس پەن سولتۇستىكتە 2- گرادۋسقا دەيىن سۋىتۋى مۇمكىن، - دەلىنگەن حابارلامادا.

تاياۋدا مارقاكول اۋدانىندا سىناپ باعاناسى 6- گرادۋسقا دەيىن تومەندەگەن. الداعى تۇندە ريددەر، كاتونقاراعاي، گلۋبوكوە جانە مارقاكول اۋداندارىندا تەمپەراتۋرا 0-دەن تومەن بولادى دەپ كۇتىلىپ وتىر.

ەسكە سالساق، وسىعان دەيىن بۇگىن ەل اۋماعىندا جەل كۇشەيىپ، وڭتۇستىك وڭىرلەردە شاڭدى داۋىل تۇراتىنى حابارلانعان.

اۆتور

تالعاتجان مۇحامەتبەك ۇلى