ريددەر جىلۋ ورتالىعىندا قازاندىق ءوشىپ، حالىق تاعى ىستىق سۋسىز قالدى
شىعىس قازاقستان وبلىسى ريددەر قالاسىنداعى جىلۋ ەلەكتر ورتالىعىندا قازاندىق ءوشىپ، حالىق تاعى ىستىق سۋسىز قالدى، دەپ حابارلايدى قازاقپارات ءتىلشىسى.

جاز بويى ىستىق سۋسىز وتىرعان ريددەر حالقىنا وسىدان بىرنەشە كۇن بۇرىن عانا ىستىق سۋ بەرىلگەن. الايدا كەشە ىستىق سۋ تاعى ءوشىرىلدى. بۇعان سەبەپ - جىلۋ ەلەكتر ورتالىعىنداعى ىسكە قوسىلعان ورتاشا قىسىمدى قازاندىقتىڭ قايتادان ءوشىرىلۋى.
ال ونىڭ نە ءۇشىن وشىرىلگەنىن ريددەردەگى «سۋ ارناسى» كوممۋنالدىق مەملەكەتتىك كاسىپورىن ديرەكتورى كونستانتين حان ءتۇسىندىرىپ بەردى.
«ەلەكتر ستانتسيالارى مەن جەلىلەرىن تەحنيكالىق پايدالانۋ ەرەجەسىنە سايكەس، كۇردەلى جوندەۋدەن وتكەن جابدىقتار ىسكە قوسىلعاننان كەيىن 48 ساعات ىشىندە سىناقتان وتەدى. وسىدان كەيىن قازاندىقتىڭ ءاربىر بولشەگىن ەگجەي-تەگجەيلى تەكسەرۋ ءۇشىن جوسپارلى تۇردە ونى ءوشىرۋ قاجەت. سول سەبەپتى №3 -جىلۋ قازاندىعى ۋاقىتشا وشىرىلگەن»، - دەپ ءتۇسىندىردى ول.