رىباكينانى قازاقستاندىق دەۋ اقىماقتىق، ول ماسكەۋدە تۇرادى - جۋرناليست

پولشا جۋرناليسى ستانيسلاۆ يانەتسكي ەلەنا رىباكينانى رەسەيلىك تەننيسشى دەپ مالىمدەدى. ول ەشقاشان قازاقستاندىق بولماعان دەيدى يانەتسكي.

«تىلشىلەردىڭ رىباكينانى قازاق دەيتىن اقىماقتىعىن بۇدان ءارى تىڭداعىم كەلمەيدى. ول - ورىس، ماسكەۋدە تۋعان، ءالى دە سوندا تۇرادى»، - دەپ جازدى پولياك جۋرناليسى ءوزىنىڭ Twitter- پاراقشاسىندا.

ايتا كەتەيىك، ەلەنا رىباكينا 2018-جىلى قازاقستان ازاماتتىعىن الىپ، ءبىزدىڭ ەلدىڭ اتىنان جارىستاردا ونەر كورسەتە باستادى. 2022-جىلى ۋيمبلدون تۋرنيرىنىڭ جەڭىمپازى بولعان كەزدە ول ءوزىنىڭ «كوك پاسپورتىن» كوپشىلىككە كورسەتىپ، بۇدان بىلاي ءوزىن «رەسەيلىك» دەپ اتاماۋىن سۇراعان بولاتىن.