ەريەۆان ش ى ۇ مۇشەلىگىنە قىزىعۋشىلىق تانىتتى
استانا. KAZINFORM - ەريەۆان شانحاي ىنتىماقتاستىق ۇيىمىنا مۇشە بولۋعا قىزىعۋشىلىق ءبىلدىردى. بۇل تۋرالى ەلدىڭ سىرتقى ىستەر مينيسترلىگى حابارلادى، دەپ جازادى Kazinform اگەنتتىگىنىڭ مەنشىكتى ءتىلشىسى.
- شانحاي ىنتىماقتاستىق ۇيىمىنىڭ نەگىزگى قاعيداتتارىن - اۋماقتىق تۇتاستىقتى، كۇش قولدانباۋدى جانە شەكارالاردىڭ مىزعىماستىعىن بولىسە وتىرىپ، ارمەنيا رەسپۋبليكاسى ش ى ۇ- عا مۇشە بولۋعا نيەت ءبىلدىردى، - دەلىنگەن تاراتىلعان حابارلامادا.
بۇعان دەيىن ارمەنيانىڭ ەۋروپالىق وداققا مۇشە بولۋ جونىندە كەلىسسوزدەر جۇرگىزىپ جاتپاعانى جانە بريۋسسەلمەن ە و- عا ىقتيمال مۇشەلىك تۋرالى ماسەلەنى تالقىلامايتىنى حابارلانعان بولاتىن.
ەسكە سالا كەتەيىك، شانحاي ىنتىماقتاستىق ۇيىمىنا مۇشە مەملەكەتتەر يزرايلدىڭ يران يسلام رەسپۋبليكاسى اۋماعىنا جاساعان اسكەري سوققىلارىن قاتاڭ ايىپتادى.
ايتا كەتەلىك ش ى ۇ- عا مۇشە ەلدەر مادەني بايلانىستاردى تەرەڭدەتۋگە مۇددەلى ەكەنى تۋرالى جازعان ەدىك.
