روساتوم سانكسياعا تۇسسە، قازاقستاندا سالىناتىن العاشقى ا ە س- ءتىڭ تاعدىرى نە بولادى

استانا. KAZINFORM - اتوم ەنەرگەتيكاسى جونىندەگى اگەنتتىك Kazinform ساۋالىنا جولداعان جاۋاپتا روساتوم سانكسياعا تۇسسە، قازاقستاندا سالىناتىن العاشقى ا ە س- ءتىڭ تاعدىرى نە بولاتىنىن ايتتى.

- سوڭعى مالىمەتتەر بويىنشا، «روساتوم» سانكسيالار تىزىمىندە جوق. بولاشاقتا جەكەلەگەن ەلدەردە سانكسيالاردىڭ كۇشەيۋىنە بايلانىستى قانداي دا ءبىر تاۋەكەلدەر تۋىنداعان جاعدايدا بىزدە قازاقستاندىق كومپانيالار باسقا جوبالاردا قولدانعان ءتيىستى شارتتىق تەتىكتەر كوزدەلگەن. مىسالى، ءتيىستى سانكسيالار مەن باسقا دا قۇقىقتىق قۇرالداردى قولدانۋ مۇمكىندىگى بار، - دەپ جازادى اگەنتتىك ماماندارى.

اگەنتتىك جاۋابىندا «روساتومنىڭ» سانكسياعا ءتۇسۋ ىقتيمالدىعى تىم تومەن ەكەنى ايتىلعان.

- بۇل رەتتە الەۋمەتتىك-گۋمانيتارلىق قاجەتتىلىكتەرمەن جانە كليماتتىق كۇن تارتىبىمەن بايلانىستى اتوم ەنەرگەتيكاسى سانكسيالىق تىزىمدەرگە ەنگىزىلمەگەن، - دەلىنگەن اگەنتتىك جاۋابىندا.

ەسكە سالساق، ەكى كۇن بۇرىن قازاقستانداعى العاشقى ا ە س سالاتىن كونسورتسيۋمنىڭ تىزگىنى رەسەيلىك «روساتومعا» بەرىلگەنى ءمالىم بولعان ەدى.

اۆتور

ەسىمجان ناقتىباي