پروموۋتەر جانىبەك ءالىمحان ۇلىنىڭ اۋرۋحاناعا ءتۇسىپ قالۋىنا قاتىستى مالىمدەمە جاسادى
استانا. KAZINFORM - Top Rank پروموۋتەرلىك كومپانياسى جانىبەك ءالىمحان ۇلىنىڭ (15-0، 10 ك و) ءتۇبى رەسەيلىك جاڭازەلانديالىق بىلعارى قولعاپ شەبەرى اندرەي ميحايلوۆيچپەن (21-0، 13 ك و) جەكپە- جەگىنە تويتارىس بەرىلۋىنە قاتىستى مالىمدەمە جاسادى.
«جانىبەك ءالىمحان ۇلى بەيسەنبى كۇنى كەشكە قاراي سالماق قۋۋ كەزىندە اعزانىڭ زورىعۋىنا بايلانىستى اۋرۋحاناعا ءتۇسىپ قالدى. وسى سەبەپتى ونىڭ اندرەي ميحايلوۆيچپەن جەكپە- جەگى وتپەتىن بولدى. ەندى لاس- ۆەگاستاعى سول بوكس كەشىنىڭ باستى جەكپە- جەگى رەيموند مۋراتاليا مەن تيەۆين فارمەر كەزدەسۋى بولماق»، - دەپ مالىمدەدى Top Rank Instagram پاراقشاسىندا.
ەسكە سالا كەتەيىك، جانىبەك پەن ميحايلوۆيچتىڭ جەكپە-جەگى 14-شىلدە كۇنى تاڭەرتەڭ ءوتۋى ءتيىس بولعان. جانىبەك وزىنە تيەسىلى WBO جانە IBF نۇسقاسى بويىنشا ورتا سالماقتاعى چەمپيوندىق بەلدىكتەردى قورعاۋى ءتيىس ەدى.
