رومان سكليار ا ە س قۇرىلىسى جايىندا: ساياسي تاۋەكەلدەر تۋىنداعان ساتىندە قاراستىرىلادى
استانا. KAZINFORM - ا ە س سالاتىن ەلدەرمەن اراداعى شارتتا سانكتسيالىق كەلىسىم قاراستىرىلاتىن بولادى. بۇل تۋرالى ۇكىمەت وتىرىسىنان كەيىنگى بريفينگتە پرەمەر-ءمينيستردىڭ ءبىرىنشى ورىنباسارى رومان سكليار ايتتى.
«كونسورتسيۋم بولاتىن شىعار. ەڭ باستىسى - قاۋىپسىزدىك. سونىمەن قاتار ءبىز سالىناتىن جاڭا ستانسا ەڭ تىڭ جوبالىق شەشىمدەر مەن ءوز سالاسىنىڭ كوشباسشىسى سانالاتىن ءوندىرۋشى ەلدىڭ وزىق تەحنولوگياسى بولعانىنا مۇددەلىمىز. سوندىقتان شەشىم كونفيگۋراتسيا بويىنشا قابىلدانادى. ونىمەن مەن دە، الماسادام مايدان ۇلى دا (ەنەرگەتيكا ءمينيسترى الماسادام ساتقاليەۆ) اينالىسپايدى. ارنايى جوبالىق توپ بولادى. ال ورىن الۋى مۇمكىن ساياسي تاۋەكەلدەر تۋىنداعان ساتىندە، ياعني جوبالاۋ بارىسىندا قاراستىرىلادى. ەگەر مۇنداي جايت ورىن السا، وندا ءتۇرلى كومپانيالارمەن، ءتۇرلى ەلدەرمەن اراداعى شارتتا سانكتسيالىق كەلىسىم بولاتىندىعى ءسوزسىز، - دەدى ۇكىمەت باسشىسىنىڭ ءبىرىنشى ورىنباسارى ب ا ق وكىلدەرىنىڭ ساۋالىنا وراي.
