رومان سكليار: «9-20-25» باعدارلاماسى 1-ناۋرىزدا ىسكە قوسىلادى

استانا. KAZINFORM -  پرەمەر-ءمينيستردىڭ ءبىرىنشى ورىنباسارى ۇكىمەتتىڭ كەڭەيتىلگەن وتىرىسىنان كەيىن ب ا ق وكىلدەرىنىڭ سۇراعىنا جاۋاپ بەرە وتىرىپ، «9-20-25» باعدارلاماسىنىڭ قاشان ىسكە قوسىلاتىنىن ايتتى. 

«سۇراعىڭىزعا قىسقاشا جاۋاپ بەرەيىن. اتالعان باعدارلاما ىسكە قوسىلادى. رەسپۋبليكا بيۋدجەتى مەن «وتباسى بانكتىڭ» بىرلەسىپ قارجىلاندىرۋى ارقىلى ىسكە قوسىلادى. سوندىقتان ءاليحان اسحان ۇلى (بۇرىنعى پرەمەر-مينيستر - رەد. ) ايتقان ماسەلە پىسىقتالعان. ول بەلگىلەنگەن مەرزىمدە ىسكە اسىرىلادى»، - دەدى رومان سكليار.

«ياعني، باعدارلاما 1-ناۋرىزدان باستاپ ىسكە قوسىلادى دەپ توپشىلايسىز با؟» - دەگەن سۇراققا ءبىرىنشى ۆيتسە-پرەمەر باسىن يزەپ جاۋاپ بەردى.