پروكۋرور گۇلميرا ساتىبالدىنى 13 جىلعا قاماۋدى سۇرادى
الماتى. KAZINFORM - پروكۋرور سوتتاعى ءجارىسسوز كەزىندە گۇلميرا ساتىبالدىنى 13 جىلعا باس بوستاندىعىنىن ايىرۋدى سۇرادى.
قايرات ساتىبالدى ۇلىنىڭ بۇرىنعى ايەلى گۇلميرا ساتىبالدىعا اسا ءىرى مولشەردە بوپسالاۋ جانە ءوزىن- ءوزى باسقارۋ بويىنشا ايىپ تاعىلىپ وتىر. گ. ساتىبالدادان بولەك ونىڭ جۇرگىزۋشىسى ءمادي باتىرشايەۆ تا ايىپتالۋشى سوتىندا وتىر.
سوت وتىرىسىندا مەملەكەتتىك ايىپتاۋشى ەكى سوتتالۋشىنى دا كىنالى دەپ تانىپ، ولارعا مىناداي جازا تاعايىنداۋدى سۇرادى:
گۇلميرا ساتىبالدىنى 13 جىلعا قاماپ جانە جازاسىن قاتاڭ تارتىپتەگى قىلمىستىق- اتقارۋ جۇيەسىندە، ال ءمادي باتىرشايەۆتى 10 جىلعا باس بوستاندىعىنان ايىرىپ، جازاسىن ورتاشا قىلمىستىق-اتقارۋ جۇيەسىندە وتەۋىن سۇرادى.
وسىعان دەيىن گۇلميرا ساتىبالدىنىڭ ادۆوكاتى سۋديانى اۋىستىرۋدى تالاپ ەتكەن بولاتىن. گۇلميرا ساتىبالدى ءىسى بويىنشا سوت تەرگەۋى 19-تامىز كۇنى اياقتالدى.
ەسكە سالايىق، بۇعان دەيىن كاسىپكەر اباي ءجۇنىسوۆ گۇلميرا ساتىبالدى بىرلەسكەن سەرىكتەستىكتە ۇرلىق جاسادى دەگەن كۇدىكپەن كىناسىن مويىنداۋدى تالاپ ەتىپ، 2019 -جىلدىڭ اقپانىنان بەرى ۇيىندە زاڭسىز قاماۋدا ۇستاعانىن ايتقان ەدى.
سوت وتىرىسى كەزىندە گۇلميرا ساتىبالدى وزىنە تاعىلعان ايىپپەن كەلىسپەيتىنىن مالىمدەدى. بىلتىر گۇلميرا ساتىبالدى بىرەۋدىڭ مۇلكىن يەمدەنۋ جانە جىمقىرۋ قىلمىستىق ءىسى بويىنشا 7 جىلعا باس بوستاندىعىنان ايىرىلدى.
