پروبلەمالاردى كوبىرەك ايتۋ كەرەك - بەكتەنوۆ قازاق گاز باسشىسىنا ەسكەرتۋ جاسادى

استانا. KAZINFORM - پرەمەر-مينيستر ولجاس بەكتەنوۆ QazaqGaz ۇلتتىق كومپانياسىنىڭ باسقارما ءتوراعاسى سانجار جاركەشەۆكە سالاداعى پروبلەمالاردى اشىپ ايتپاعانى ءۇشىن ەسكەرتۋ جاسادى.

QazaqGaz باسشىسى ۇكىمەت وتىرىسىندا ەلدى مەكەندەردى گازداندىرۋ جۇمىستارى تۋرالى مالىمەت بەرگەن.

- جۇمىستارىڭىزدا ەشقانداي پروبلەمالىق ماسەلەلەر جوق پا سوندا؟ تەك جۇمىستىڭ وڭ ناتيجەلەرىن كورسەتتىڭىز. پروبلەمالىق ماسەلەلەردى كوبىرەك ايتۋ كەرەك، جارىققا شىعارۋ كەرەك، تالقىلاۋ كەرەك. بار ما، ونداي ماسەلە، - دەپ سۇرادى پرەمەر-مينيستر.

سانجار جاركەشەۆ وسىدان كەيىن عانا قاشاعانداعى گاز وڭدەۋ زاۋىتىنىڭ ماسەلەسىنە توقتالدى.

- قاشاعانداعى گاز وڭدەۋ زاۋىتىنىڭ پروبلەمالارى بولدى، ءوزىڭىز بىلەسىز. قۇرىلىس جوبالارى، قۇرىلىس جۇمىستارى باياۋ بولعان ەدى. قازىرگى تاڭدا باسقا باس مەردىگەر كەلگەن. قۇرىلىس پروبلەمالارى شەشىلىپ، 100 پايىز جابدىقتار قىتايدان كەلدى. قۇرىلىستى بەلگىلەنگەن مەرزىمدە اياقتاۋدى جوسپارلاپ وتىرمىز، - دەدى QazaqGaz باسشىسى.

ەسكە سالساق، پرەزيدەنت قاسىم-جومارت توقايەۆ جاڭاوزەن گاز وڭدەۋ زاۋىتى قۇرىلىسىنىڭ كەشىگۋىن ۇكىمەتتىڭ ورەسكەل ولقىلىعى رەتىندە باعالاعان ەدى.

اۆتور

ەسىمجان ناقتىباي