ەۋروپانىڭ قاي ەلدەرىندە ءبىلىم دەڭگەيى ەڭ جوعارى

استانا. KAZINFORM - ەۋروستاتتىڭ سوڭعى دەرەكتەرى بويىنشا ەۋروپالىقتاردىڭ ءبىلىم دەڭگەيى بۇرىنعىدان دا جوعارى: بارلىق ەلدە ايەلدەر ەرلەردەن وزىپ وتىر، دەپ حابارلايدى Euronews.

2014 -جىلى ە و-عا مۇشە ەلدەردىڭ 25- 74 جاس ارالىعىنداعى تۇرعىندارىنىڭ %26 ى عانا جوعارى ءبىلىم العان بولسا، 2024 -جىلى بۇل كورسەتكىش %33,5 عا دەيىن ءوستى.

جوعارى ءبىلىم العان جاستار (25- 34 جاس) ۇلەسى بويىنشا كوش باستاپ تۇرعان ەلدەر:

يرلانديا
ليۋكسەمبۋرگ
كيپر
بۇل ەلدەردە جاستاردىڭ %60 دان استامى جوعارى بىلىمگە يە.

ال رۋمىنيا كەرىسىنشە - سوڭعى ورىندا: بۇل ەلدە 25- 34 جاس ارالىعىنداعى جاستاردىڭ %30 دان ازى جوعارى ءبىلىم الادى، بۇل ە و بويىنشا ەڭ تومەن كورسەتكىش.

ۇرپاقتار اراسىنداعى الشاقتىق

دەرەكتەر ءارتۇرلى ۇرپاقتاردىڭ بىلىمگە دەگەن قاتىناسىندا وزگەرىس بارىن كورسەتەدى:

25- 54 جاس ارالىعىنداعى ەرەسەكتەردىڭ %82,7 ى كەمىندە ورتا ءبىلىم العان؛

ال 55- 74 جاس ارالىعىنداعى ۇلكەن بۋىن وكىلدەرىندە بۇل كورسەتكىش %70,4.

جاستاردىڭ جوعارى ءبىلىم الۋ ىقتيمالدىعى ۇلكەن بۋىنعا قاراعاندا ەكى ەسە جوعارى:

جاستاردىڭ - %39,8،

ۇلكەندەردىڭ - %23,9.

كاسىبي ءبىلىم الۋ دەڭگەيى دە ەل مەن جاس ەرەكشەلىكتەرىنە بايلانىستى قاتتى وزگەرەدى:

ليۋكسەمبۋرگتە - ورتا ءبىلىم العانداردىڭ %96 دان استامى كاسىبي باعىتتى تاڭداعان (جاس پەن ۇلكەندەر اراسىندا).

پورتۋگاليادا - ۇلكەندەردىڭ تەك %13,5 ى كاسىبي ءبىلىم السا، جاستاردا بۇل كورسەتكىش %37,2 عا تەڭ.

وسىنداي كاسىبي بىلىمگە بەتبۇرىس گرەكيا، يرلانديا، يسپانيا جانە كيپردە دە بايقالادى. بۇل ەۋروپادا ناقتى داعدىلارعا باعىتتالعان بىلىمگە كوشۋ ءۇردىسىن كورسەتەدى.

ايەلدەر ءبىلىم الۋدا ەرلەردەن وزىپ بارادى

بۇكىل ەۋروپا بويىنشا ايەلدەر ەرلەرگە قاراعاندا كوبىرەك جانە ۇزاق ءبىلىم الادى.

2024 -جىلى 25- 34 جاستاعى ايەلدەردىڭ %49,9 ى جوعارى ءبىلىم العان؛

ەرلەر اراسىندا بۇل كورسەتكىش - %38,7.

10 جىل ىشىندە بۇل الشاقتىق %1 عا ارتا تۇسكەن.

ورتا ءبىلىم بويىنشا دا ايىرماشىلىق بار:

20-24 جاس ارالىعىنداعى ايەلدەردىڭ %86,8 ى،

ەرلەردىڭ %81,8 ى ورتا ءبىلىم العان.

تەك رۋمىنيادا ەرلەر ايەلدەردەن ءسال الدا تۇر.