ەۋروپالىق وداق ماجارستاندى ۋاقىتشا داۋىس بەرۋ قۇقىعىنان ايىرماق
استانا. KAZINFORM - ەۋروپالىق وداق ماجارستاندى ە و كەڭەسىندە ۋاقىتشا داۋىس بەرۋ قۇقىعىنان ايىرۋ مۇمكىندىگىن قاراستىرىپ جاتىر، دەپ حابارلايدى Kazinform مەنشىكتى ءتىلشىسى.
بۇل تالقىلاۋ وداق وكىلدەرىنىڭ پىكىرىنشە، ماجارستان ارەكەتتەرىنىڭ قۇقىق ۇستەمدىگى، ءسوز بوستاندىعى سياقتى شەشۋشى قۇندىلىقتارعا قاراما-قايشىلىعىمەن بايلانىستى بولىپ وتىر.
ەۋروپالىق وداق كەڭەسى ۆەب- پورتالداعى كۇن تارتىبىنە سايكەس 27 -مامىر كۇنى وتەتىن ماجىلىستە ماجارستاندى داۋىس بەرۋ قۇقىعىنان ايىرۋ مۇمكىندىگىنە قاتىستى تىڭداۋ وتكىزدى.
بۇل ەۋروپا پارلامەنتى 2018 -جىلى ماجارستانعا قارسى 7- باپتى قولدانۋ پروتسەدۋرالارىن باستاعالى سەگىزىنشى تىڭداۋ بولىپ وتىر.
ە و كەلىسىمىنىڭ 7- بابى ەگەر ە و- عا مۇشە مەملەكەت ۇيىمنىڭ نەگىزگى ۇستانىمدارىن قايتا-قايتا بۇزا بەرەتىن بولسا، ونى كەڭەستە داۋىس بەرۋ قۇقىعىننان ايىرۋ مۇمكىندىگىن قاراستىرادى.
ەگەر شارا قولعا الىنسا، ول ە و- نىڭ ۇيىمعا مۇشە مەملەكەتتەردىڭ بارلىعى ءبىراۋىزدان داۋىس بەرۋى ءتيىس شەشىم قابىلداۋ ۇدەرىسىنە اسەر ەتەدى.
وسىعان دەيىن ەۋروپالىق وداقتىڭ Temu-گە قارسى دابىل قاققانى تۋرالى جازدىق.
