ەۋروپالىق كەڭەس پرەزيدەنتى «ورتالىق ازيا - ەۋروپا وداعى» سامميتىنە جوعارى باعا بەردى

سامارقاند. KAZINFORM - «ورتالىق ازيا - ەۋروپا وداعى» ءسامميتى اياسىندا ۇيىمداستىرىلعان باسپا ءسوز ءماسليحاتىندا ەۋروپالىق كەڭەس پرەزيدەنتى انتونيۋ كوشتا ەكى ءوڭىردىڭ ىنتىماقتاستىعىنا قاتىستى پىكىر ءبىلدىردى، دەپ حابارلايدى Kazinform اگەنتتىگىنىڭ مەنشىكتى ءتىلشىسى ءاليحان اسقار.

- ورتالىق ازيا مەن ەۋروپا وداعىن تەك ساۋدا-ەكونوميكالىق ىنتىماقتاستىق بايلانىستىرمايدى. ءبىزدىڭ تاريحىمىز تەرەڭ، سونداي- اق مادەني- گۋمانيتارلىق سالالارداعى ىقپالداستىعىمىزدىڭ ورنى ەرەكشە، - دەپ ءمالىم ەتتى انتونيۋ كوشتا.

ول ورتالىق ازيادا جانە ەۋروپادا تۇراقتىلىقتى ساقتاپ، ىقتيمال قاتەرلەرگە قارسى تۇرۋ ءۇشىن بىرلەسكەن جۇمىس قاجەت ەكەنىنە توقتالدى.

- وسى ورايدا سامارقاند سامميتىن وتكىزۋدىڭ ماڭىزى زور. بۇعان دەيىن قوس ءوڭىر اراسىنداعى قارىم- قاتىناس مۇنداي جوعارى دەڭگەيگە جەتپەگەن ەدى. سوندىقتان بۇل سامميت بارلىق سالاداعى ىنتىماقتاستىققا سەرپىن بەرەتىنى ءسوزسىز. مۇنى جاڭا قارىم- قاتىناسقا اياق باسقان كەزەڭ دەپ اتاسا بولادى، - دەپ تۇيىندەدى ەۋروپالىق كەڭەس پرەزيدەنتى.

ايتا كەتەيىك، بۇگىن وزبەكستاننىڭ سامارقاند قالاسىندا «ورتالىق ازيا - ەۋروپا وداعى» فورماتىنداعى العاشقى ءسامميتى ءوتتى. ونىڭ بارىسىندا مەملەكەت باسشىسى قاسىم- جومارت توقايەۆ ءبىرقاتار باستاما كوتەردى.