ەۋروپادا شۆەيتساريا تۇرعىندارى ۇزاق ءومىر سۇرەدى
استانا. قازاقپارات - الەمدە جاسى 100-دەن اسقان ادامدار كوبەيدى. ب ۇ ۇ- نىڭ دەرەگى بويىنشا قازىر ونداي قارت كىسىلەردىڭ سانى 722 مىڭنان اسادى. ماماندار 30 جىلدان كەيىن بۇل كورسەتكىش 4 ميلليونعا جۋىقتايتىنىن بولجايدى.
ءومىر ءسۇرۋ ۇزاقتىعىنىڭ ۇلعايۋىنا نە سەبەپ؟ الەمدە قارت كىسىلەردىڭ كوبى قاي وڭىردە تۇرادى؟
جاپونيادا 95 مىڭ ادامنىڭ جاسى 100-دەن اسقان
ۇزاق ءومىر سۇرەتىندەر سانى ازيادا كوپ. دەنى جاپونيادا تۇرادى. كۇنشىعىس ەلىندە قازىر جاسى 100-دەن اسقان 95 مىڭ ادام بار. بۇل - رەكوردتىق كورسەتكىش. سولاردىڭ 88 پايىزى - ايەلدەر. جاپوندىقتاردىڭ ۇزاق ءومىر ءسۇرۋىنىڭ باستى سەبەبى سالاۋاتتى ءومىر سالتىن ۇستانۋىندا. مايلى تاماق پەن ءتاتتىنى از جەپ، تەڭىز ونىمدەرىن كوپ تۇتىنادى. كوپ قوزعالادى. دەنساۋلىعىنا سالعىرت قاراماي، جوسپارلى تەكسەرۋلەردەن ۋاقىتىلى ءوتىپ وتىرادى. سودان ءتۇرلى اۋرۋلار دەر كەزىندە انىقتالىپ، ءولىم كورسەتكىشى تومەن.
ءبىراق ساراپشىلار بۇل جاعداي ەكونوميكاعا سالماق سالاتىنىن ايتادى. ويتكەنى زەينەتاقى جۇيەسى مەن مەديتسينا سالالارىنىڭ شىعىندارى ارتادى. قارت كىسىلەر كوبەيگەن سوڭ ەڭبەككە قابىلەتتى ادامدار سانى ازايعان. سودان جۇمىس كۇشى تاپشى. ءسويتىپ، 2040 -جىلعا تامان جاپونيادا 1 ميلليون جۇمىسشى جەتىسپەۋى مۇمكىن دەگەن كۇدىك بار.
ا ق ش حالقىنىڭ ءومىر ءسۇرۋ ۇزاقتىعى 30 جىلعا ارتتى
ا ق ش حالىق ساناعى بيۋروسىنىڭ مالىمەتىنە سايكەس ەلدە جاسى 100-دەن اسقان 100 مىڭنان اسا ازامات بار. 30 جىلدان كەيىن ولاردىڭ سانى 4 ەسە ارتادى دەپ كۇتىلىپ وتىر. ساراپشىلار: «بۇعان جەرگىلىكتى مەديتسينانىڭ دامۋى سەبەپ»، - دەيدى.
سودان 1900 -جىلمەن سالىستىرعاندا امەريكالىقتاردىڭ ءومىر ءسۇرۋ ۇزاقتىعى 30 جىلعا ارتقان. بۇدان بولەك، ەلدە تەمەكىدەن باس تارتىپ جاتقاندار قاتارى كوبەيگەن. 1965 -جىلى تۇرعىنداردىڭ %42- ءى شىلىم شەكسە، قازىر ولاردىڭ ۇلەسى 11- كە دەيىن تومەندەگەن. سونىڭ ناتيجەسىندە جۇرەك-قان تامىرى اۋرۋلارىنان ءولىم كورسەتكىشى دە ازايعان ەكەن.
ەۋروپادا شۆەيتساريا تۇرعىندارى ۇزاق ءومىر سۇرەدى
ەۋروپادا دا قارت كىسى كوپ. مۇندا جاسى 100-دەن اسقان قاريالاردىڭ سانى 120 مىڭنان اسادى. بىلتىر مۇندا ورتاشا ءومىر ءسۇرۋ ۇزاقتىعى 81 جاس 5 ايدى كورسەتكەن. بۇل ونىڭ الدىنداعى جىلمەن سالىستىرعاندا 9 ايعا كوپ.
كارى قۇرلىقتا اسىرەسە شۆەيتساريا، ليحتەنشتەين جانە يسپانياداعى كورسەتكىشتەر جوعارى. ال بولگاريا، لاتۆيا مەن رۋمىنيادا، كەرىسىنشە، ءومىر ءسۇرۋ ۇزاقتىعى وزگەلەرمەن سالىستىرعاندا قىسقا. ماماندار ءتيىستى كورسەتكىش ءومىر ءسۇرۋ ساپاسى مەن حالىقتىڭ ءال- اۋقاتىنىڭ جاقسارۋىنا، سونداي-اق مەديتسيناداعى جەتىستىكتەرگە بايلانىستى ەكەنىن ايتادى.
سونىمەن قوسا تاماقتانۋ ەرەكشەلىكتەرى دە اسەر ەتۋى مۇمكىن. ويتكەنى، مىسالى، ەۋروپادا ەڭ ۇزاق ءومىر سۇرەتىن شۆەيتساريالىقتار ءسۇت تاعامدارىن، ال جەرورتا تەڭىزىنىڭ جاعالاۋىندا تۇراتىن يسپانيا، يتاليا، گرەكيا تۇرعىندارى تەڭىز ونىمدەرى مەن ءزايتۇن مايىن كوپ تۇتىنادى. «ال ولار جۇرەك-قان تامىرلارى اۋرۋلارىن ازايتادى»، - دەيدى ماماندار.
24.kz
