ەۋروپا قازاقستان ازاماتتارىنا ۆيزا رەجيمىن جەڭىلدەتۋگە قىزىعۋشىلىق تانىتىپ وتىر

 ەۋروپالىق وداق ەلدەرى قازاقستان ازاماتتارىنا ۆيزا ءتارتىبىن جەڭىلدەتۋگە قىزىعۋشىلىق تانىتىپ وتىر. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.

туризм
Фото: Фото: ҚазАқпарат

«جارتى جىل بۇرىن سىرتقى ىستەر ءمينيسترى مۇرات نۇرتىلەۋ بريۋسسەلگە ساپارمەن بارىپ، ە و- نىڭ ۆيزا ماسەلەسىنە جاۋاپ بەرەتىن جوعارى لاۋازىمدى وكىلدەرىمەن كەزدەسۋ وتكىزدى. ول جاقتا ەۋروپا تاراپىنىڭ بىزگە ۆيزا الۋدى جەڭىلدەتەتىندىگى تۋرالى ۋاعدالاستىققا قول جەتكىزىلدى. سول ديالوگتىڭ جالعاسى رەتىندە بريۋسسەلدەگى ەلشىلىگىمىز ارقىلى وسى جاقتا دا ءتيىستى جۇمىس ىستەپ جاتىرمىز»، — دەدى ايبەك سمادياروۆ ۆەدومستۆودا وتكەن بريفينگتە.

ونىڭ اتاپ وتۋىنشە، وتكەن اپتادا ەلىمىزدىڭ سىرتقى ىستەر ءمينيسترىنىڭ كونسۋلدىق ماسەلەلەرگە جەتەكشىلىك جاسايتىن ورىنباسارى قازاقستاندا اككرەديتتەلگەن ەۋروپالىق ەلشىلىكتەردىڭ وكىلدەرىمەن كەزدەسكەن.

ەۋروپالىق تاراپ ۆيزانى جەڭىلدەتۋ پروتسەسىنە زور قىزىعۋشىلىق تانىتىپ وتىر.

دەگەنمەن، وتانداستارىمىزعا شەنگەن ۆيزاسىن الۋ قاشان جەڭىلدەيتىنى بەلگىسىز.

«ول جەردە 27 ەل بار. وڭاي ەمەس، ۇلكەن بيۋروكراتيا بار. ونىڭ ءبارىن ەڭسەرىپ، ۆيزالىق رەجيمدى جەڭىلدەتۋگە ۋاعدالاسۋ كەرەك»، — دەدى ايبەك سمادياروۆ.

سوڭعى جاڭالىقتار