ەۋروپا چەمپيوناتىندا قازاقستان قۇراماسى سان-مارينونى 3:1 ەسەبىمەن جەڭدى

فۋتبولدان 2024-جىلعى ەۋروپا چەمپيوناتىنا ىرىكتەۋ ساتىسى جەتىنشى تۋرىندا قازاقستان قۇراماسى سان-مارينودان باسىم ءتۇستى، دەپ حابارلايدى Kazinform.

مەملەكەت باسشىسى قاسىم-جومارت توقايەۆ قازاقستان ۇلتتىق قۇراماسىنىڭ سان-مارينو كومانداسىنا قارسى ويىنىنا قولداۋ كورسەتۋ ءۇشىن «استانا ارەنا» ستاديونىنا كەلدى.

مەملەكەت باسشىسىمەن بىرگە ۇلتتىق قۇراماعا قولداۋ ءبىلدىرۋ ءۇشىن داڭقتى سپورتشىلار، سپورت ارداگەرلەرى مەن مادەنيەت قايراتكەرلەرى دە كەلدى

ولاردىڭ اراسىندا قازاقستاننىڭ حالىق ءارتىسى ديماش قۇدايبەرگەن، ميني-فۋتبولدان قازاقستان ۇلتتىق قۇراماسىنىڭ باس باپكەرى پاۋلۋ ريكاردۋ فيگەيرا سيلۆا (كاكا) جانە تاعى باسقالارى بار.

كەزدەسۋ بارىسىندا قازاقستاندىق فۋتبولشىلار بىردەن شابۋىلعا كوشتى. دەسە دە وعان قارسىلاس قۇراما قورعاۋشىلارى لايىقتى توتەپ بەرە ءبىلدى.

ويىننىڭ 19-مينۋتىندا قازاقستاندىق يسلام چەسنوكوۆ سان-مارينو قاقپاسىنا الىستان گول سوقتى. وسىلايشا ول ۇلتتىق قۇراما جەيدەسىندەگى تۇڭعىش گولىنىڭ اۆتورى اتاندى.

بۇدان كەيىن دە الاڭ يەلەرىنىڭ گول سوعاتىن بىرنەشە مۇمكىندىگى بولعان ەدى. دەسە دە ەسەپ وزگەرە قويعان جوق.

ەكىنشى كەزەڭدە العاشقى مينۋتتان قازاقستاندىق فۋتبولشىلار تىزگىندى ءوز قولىنا الۋعا تىرىستى. ناتيجەسىندە 51-مينۋتتا يسلام چەسنوكوۆ ويىن بارىسىندا ەكىنشى مارتە مەرگەندىك تانىتتى.

ال 60-مينۋتتا سان-مارينو ويىنشىسى سيمونە فرانچوزي ەسەپ ايىرماسىن قىسقارتتى.

ويىننىڭ 92-مينۋتتا ولاردىڭ قاقپاسىنا بەلگىلەنگەن پەنالتيدەن ابات ايىمبەتوۆ ءمۇلت كەتكەن جوق.

وسىلايشا قازاقستان قارسىلاسىنان 3:1 ەسەبىمەن باسىم ءتۇستى.

ەل قۇراماسى H توبىندا 8 ويىننان كەيىن 15 ۇپاي جيناپ، ءۇشىنشى ورىندا تۇر.

العاشقى ەكى ورىنداعى سلوۆەنيا مەن دانيانىڭ ەنشىسىندە 19 ۇپايدان بار.

ەندى قازاقستاندىق فۋتبولشىلار 20- قاراشادا سىرت الاڭدا سلوۆەنيامەن كەزدەسەدى.

سونداي-اق، بۇگىن اتالعان توپتا فينليانديا مەن سولتۇستىك يرلانديا («Qazsport» 23.00)، دانيا مەن سلوۆەنيا («Qazsport» 01.45) ويىندارى وتەدى.