ەۋروپا چەمپيوناتىندا 25-ماۋسىمدا قاي قۇرامالار وينايدى
استانا. KAZINFORM - فۋتبولدان 2024-جىلعى ەۋروپا چەمپيوناتىندا بۇگىن، 25-ماۋسىمدا C جانە D توپتارىندا ءۇشىنشى تۋر ويىندارى وتكىزىلەدى.
بۇل كۇنى ساعات 21.00 دە D توبىندا نيدەرلاند پەن اۆستريا شەبەرلىك بايقاسادى. كەزدەسۋ بەرلين قالاسىنداعى «وليمپياشتاديون» ستاديونىندا وتەدى. قازىرگە دەيىن قۇرامالار جيىرما مارتە كەزدەسسە، ونىندا نيدەرلاند، التاۋىندا اۆستريا جەڭىپ، قالعانىندا تەڭ ناتيجە تىركەلدى. ءدال سول ۋاقىتتا اتالعان توپتا فرانسيا مەن پولشا كەزدەسۋى باستالادى.
ويىن دورتمۋند قالاسىنداعى «سيگنال يدۋنا پارك» ستاديونىندا وتكىزىلەدى. قوس قارسىلاس ءوزارا ون سەگىز مارتە كەزدەسسە، توعىزىندا فرانسيا، تورتەۋىندە پولشا باسىم ءتۇسىپ، قالعانىندا جەڭىمپاز انىقتالعان جوق. اتالعان توپتا ءبىرىنشى تۋردا فرانسيا اۆستريانى ، نيدەرلاند پولشانى 2:1 ەسەبىمەن تىزە بۇكتىردى. ەكىنشى تۋردا فرانسيا مەن نيدەرلاند 1:1 ەسەبىمەن تەڭ ويناسا، اۆستريا پولشانى 3:1 ەسەبىمەن جەڭدى. سونداي-اق 00.00 دە C توبىندا انگليا مەن سلوۆەنيا وينايدى. كەزدەسۋ كەلن قالاسىنداعى «راين-ەنەرگي» ستاديونىندا بولادى.
ەكى قۇراما بۇعان دەيىن التى مارتە كەزدەستى. بەسەۋىندە انگليا قۇراماسى جەڭىسكە جەتسە بىرەۋىندە ويىن تەڭ ناتيجەمەن اياقتالدى. اتالعان توپتاعى تاعى ءبىر ويىندا دانيا مەن سەربيا كەزدەسەدى. ويىن ميۋنحەن قالاسىنداعى «اليانتس-ارەنا» ستاديونىندا بولادى. قازىرگە دەيىن قۇرامالار ءۇش مارتە ويناپ، بارلىعىندا دانيا باسىم ءتۇستى.
العاشقى تۋردا سلوۆەنيا مەن دانيا 1:1 ەسەبىمەن تەڭ تۇسسە، انگليا سەربيانى 1:0 ەسەبىمەن تىزە بۇكتىردى. ال ەكىنشى تۋردا دانيا مەن انگليا، سلوۆەنيا مەن سەربيا 1:1 ەسەبىنە قاناعات ءبىلدىردى. ويىندار «Qazaqstan» جانە «Qazsport» تەلەارنالارىنان تىكەلەي ەفيردە كورسەتىلەدى.
ەسكە سالساق، 24-ماۋسىمدا B توبىندا يسپانيا البانيانى 1:0 ەسەبىمەن جەڭسە، يتاليا مەن حورۆاتيا 1:1 ەسەبىنە قاناعات ءبىلدىردى.
