ەۋروپا ەلدەرى قورعانىستى كۇشەيتەدى: ناتونىڭ 22 مەملەكەتى ج ءى ءو- ءنىڭ 2 پايىزىن بولگەن
استانا. قازاقپارات - 2024-جىلى ناتوعا مۇشە 32 ەلدىڭ 22 ءسى قورعانىس سالاسىنا ىشكى جالپى ءونىمنىڭ كەم دەگەندە 2 پايىزىن ءبولدى، 2023-جىلى مۇنداي كورسەتكىش 11 ەلدە عانا بولعان، دەپ حابارلايدى DW.
گەرمانيا قورعانىس شىعىندارىن ج ءى ءو -نىڭ 2,1 پايىزىنا دەيىن ۇلعايتتى، بۇل 2023-جىلمەن سالىستىرعاندا 0,44 پايىزعا جوعارى. ەڭ جوعارى شىعىندى پولشا، ەستونيا جانە لاتۆيا كورسەتتى - 3 پايىزدان استام. جالپى، ناتو ەلدەرى مەن كانادانىڭ قورعانىس شىعىندارى 19 پايىزعا ءوستى.
بەلگيا، كانادا جانە يسپانيا سياقتى كەيبىر ەلدەر ج ءى ءو 2 پايىزدىق ماقساتتى ورىندامادى، ءبىراق 2025-جىلى شىعىنداردى ۇلعايتۋ جوسپارلارىن جاريالادى.
ا ق ش پرەزيدەنتى دونالد ترامپ ناتو ەلدەرىنەن قورعانىس ج ءى ءو -نىڭ 5 پايىزىنا دەيىن ۇلعايتۋدى تالاپ ەتتى، ءبىراق كوپتەگەن ەلدەر، سونىڭ ىشىندە گەرمانيا دا مۇنى اقىلعا قونىمسىز دەپ سانايدى.
ەۋروپالىق كەڭەس مولدوۆاعا اۋە قورعانىسىن جاڭعىرتۋعا 20 ميلليون ەۋرو جانە قۇرلىقتاعى كۇشتەردى قولداۋعا 40 ميلليون ەۋرو ءبولدى. ەۋروپا ديپلوماتياسىنىڭ باسشىسى كادجا كاللاس بۇل شارالار مولدوۆانىڭ بەيتاراپتىعىن ساقتاي وتىرىپ، قورعانىس قابىلەتىن ارتتىرۋعا باعىتتالعانىن ايتتى.
سونىمەن قاتار، كاللاس مولدوۆانىڭ قاۋىپسىزدىگى ەۋروپانىڭ دا قاۋىپسىزدىگى ەكەنىن جانە ە و ەلدىڭ قورعانىسىن نىعايتۋدا قولداۋ كورسەتۋدى جالعاستىراتىنىن اتاپ ءوتتى.
ايتا كەتەيىك، اق ءۇي ب ۇ ۇ مەن ناتونى قارجىلاندىرۋدى توقتاتۋدى ۇسىندى.
