ەۋرو-2025: قازاقستان جاستار قۇراماسى ىرىكتەۋ كەزەڭىنە قاتىسادى

استانا. KAZINFORM - فۋتزالدان قازاقستاننىڭ 19 جاسقا دەيىنگى جاستار قۇراماسى 2025-جىلعى ەۋروپا چەمپيوناتىنىڭ ىرىكتەۋ كەزەڭىنە قاتىسادى.

ىرىكتەۋ كەزەڭى پورتۋگاليانىڭ پورتۋ قالاسىندا 27-30-ناۋرىز ارالىعىندا وتەدى. ريكاردو كاكا شاكىرتتەرى ىرىكتەۋدىڭ نەگىزگى كەزەڭىندە فرانسيا، پورتۋگاليا جانە بەلارۋسپەن شەبەرلىك بايقاسادى.

الدىمەن 27-ناۋرىزدا فرانسيامەن ويناسا، ودان كەيىن 28-ناۋرىزدا پورتۋگاليا، 30-ناۋرىزدا بەلارۋسپەن وينايدى.

قۇرلىقتىق دودا فينالدىق كەزەڭىنە توپ جەڭىمپازى عانا شىعادى.

قاقپاشىلار: اسكەر ناۋرىزبايەۆ («بايتەرەك»)، ارتۋر گاليحانوۆ («ايات»)؛

الاڭداعى ويىنشىلار: گەورگي كالاچيەۆ («تۇلپار»)، اليازيز كامالوۆ، ءاليحان حاسەن، سايفۋللا كوسپانوۆ (بارلىعى - «اقتوبە»)، ءالىمجان سەيىتتنۇر («جەتىسۋ»)، نۇرمۇحامەد يسمايىلوۆ، زاۋر گايدارجي (ەكەۋى - «ايات»)، دياس نىشانوۆ («ورداباسى»)، المەرەك تىلەۋبەرگەن («قايرات»)، سەمەن تاراسەنكو («تيۋمەن»، رەسەي).

ەسكە سالساق، بۇدان بۇرىن «سەمەي» فۋتزالدان 2025-جىلعى قازاقستان كۋبوگى يەگەرى اتاندى.