«ەرتىس ورمانىندا» ءورت قاۋىپتىلىگىنىڭ توتەنشە دەڭگەيى جاريالاندى

پاۆلودار. KAZINFORM — اپتاپ ىستىققا بايلانىستى قاراعايلى مەملەكەتتىك ورمان قورى رەزەرۆاتىنىڭ اۋماعىندا ءورت قاۋىپتىلىگىنىڭ توتەنشە دەڭگەيى بەلگىلەندى.

بۇل تۋرالى «ەرتىس ورمانى» مەملەكەتتىك رەزەرۆاتىنان حابارلادى.

- ورمان تابيعي رەزەرۆاتىنىڭ مەملەكەتتىك ورمان قورى اۋماعىندا ءورت قاۋىپتىلىگىنىڭ توتەنشە دەڭگەيى جاريالاندى، 5-كلاستى دەڭگەي. ورماندى جەرلەردە قاۋىپسىزدىك شارالارىن ساقتاۋدى سۇرايمىز، - دەپ حابارلادى رەزەرۆاتتان.

ماماندار ورماندا وت جاعۋعا قاتاڭ تىيىم سالىناتىنىن ەسكەرتتى. تەمەكى تۇقىلىن، شىنى قالدىقتارىن، بوس شولمەكتەردى، قوقىستى تاستاۋعا بولمايدى. ءارى ورمان ىشىندە كولىكپەن جۇرۋگە تىيىم سالىنعان.

- ورمان ورتتەرىنىڭ الدىن الۋ - باستى مىندەت. «ەرتىس ورمانى» رەزەرۆاتى اۋماعىندا اقپاراتتىق-ءتۇسىندىرۋ جۇمىستارى جالعاسۋدا. اتاپ ايتقاندا، ورمانشىلارمەن بىرلەسىپ، «ءورت قاۋىپسىزدىگىنە بايلانىستى انشلاگتار جاڭارتىلىپ، تۇرعىندار ءۇشىن ەسكەرتۋ ماتەريالدارى ورناتىلىپ جاتىر. ماقسات - حالىقتىڭ نازارىن ءورت قاۋپىنە اۋدارۋ جانە تابيعاتتى ساقتاۋعا شاقىرۋ، - دەپ قوستى ورمان مەكەمەسىنەن.

ەسكە سالا كەتەيىك، ەرتىس بويى ورمان شارۋاشىلىقتارىنىڭ ورتكە قارسى الەۋەتى ءالسىز.