ەرتىس ورمانىن زاڭسىز وتاۋ: لاۋازىمدى تۇلعالارعا قاتىستى تەرگەۋ باستالدى

«ەرتىس ورمانى» مەملەكەتتىك تابيعي ورمان رەزەرۆاتىنىڭ لاۋازىمدى تۇلعالارى ورماندى زاڭسىز كەسۋگە قاتىستى بولۋى مۇمكىن. قازاقپارات بۇل تۋرالى Polisia.kz-كە سىلتەمە جاساپ حابارلايدى.

پاۆلودار وبلىسىنىڭ پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى “ەرتىس ورمانى” ەرەكشە قورعالاتىن اۋماعىندا ورماندى زاڭسىز كەسۋ جانە ۇرلاۋ فاكتىلەرىن انىقتاۋ بويىنشا كەشەندى جەدەل- ىزدەستىرۋ شارالارىن وتكىزگەن.

ماسەلەن، -18 قىركۇيەكتە وبلىستىق پروكۋراتۋرانىڭ ۇيلەستىرۋىمەن “ەرتىس ورمانى” رەزەرۆاتى بويىنشا اۋقىمدى وپەراتسيا جۇرگىزىلدى. پوليتسەيلەر “ەرتىس ورمانى” ر م م- دە، شالداي جانە بەسقاراعاي ورمانشىلىعىندا، سونداي- اق ءبىرقاتار باسشىلاردىڭ تۇرعىلىقتى جەرى بويىنشا 20-عا جۋىق سانكسيالانعان ءتىنتۋ جۇرگىزدى.

«ءتىنتۋ كەزىندە قۇجاتتامادان باسقا (شوت- فاكتۋرالار، ىلەسپە قۇجات، ەسەپتىلىگى جۇرگىزىلمەيتىن ورماندى وتاۋعا قاتىستى جانە وزگە دە قۇجاتتار)، اتىس قارۋى، وق- دارىلەر جانە وزگە دە زاتتاي دالەلدەمەلەر تاركىلەندى.

قازىرگى ۋاقىتتا قىلمىستىق كودەكستىڭ 188-بابى 2-بولىگى بويىنشا سوتقا دەيىنگى تەرگەۋ باستالدى. بولجامدى مالىمەتتەر بويىنشا ورماندى زاڭسىز كەسۋگە “ەرتىس ورمانى” ر م م - ءنىڭ لاۋازىمدى تۇلعالارى قاتىستى بولۋى مۇمكىن»، - دەلىنگەن مالىمەتتە.

ق ر قىلمىستىق پروتسەسسۋالدىق كودەكستىڭ 201-بابى نەگىزىندە وزگە اقپارات جاريا ەتىلمەدى.